İmadəddin Nəsiminin zəngin fəlsəfi və ədəbi irsinin qeyd olunacağı festivalda tamaşa və balet premyeralar da keçiriləcək.
Kulis.az xəbər verir ki, Heydər Əliyev Fondu və Mədəniyyət Nazirliyinin təşkilatçılığı ilə reallaşacaq tədbir çərçivəsində keçiriləcək premyeralardan biri “Nəsimi dastanı” baletidir.
Festivalda Fikrət Əmirovun əsəri yeni quruluşda təqdim ediləcək.
Qeyd edək ki, “Nəsimi dastanı” baletinin təqdimatı Şamaxıdakı Nəsimi Bağları Kompleksində Nəsimi abidəsinin önündə təşkil ediləcək.
