Amerikalı aktyor Şia Labaf Mardi Qras festivalı çərçivəsində baş verən qalmaqaldan sonra Nyu Orlean şəhərində polis tərəfindən saxlanılıb.
Kulis.az xəbər verir ki, aktyor əvvəlcə bir məkanda mübahisəyə qarışıb, daha sonra isə küçədə bir nəfərə zərbə endirib.
Bildirilir ki, o, hadisə yerinə yenidən qayıdaraq daha iki şəxsə fiziki müdaxilə edib. Ətrafdakı şəxslər hüquq-mühafizə orqanları gələnədək onu nəzarətdə saxlayıblar.
Aktyor tibbi yoxlanış məqsədilə xəstəxanaya aparıldıqdan sonra həbs olunub. Daha sonra şərti azadlığa buraxılan aktyorun işi üzrə məhkəmə prosesi keçiriləcək.
Qeyd edək ki, Şia LaBeouf geniş tamaşaçı auditoriyasına "Transformers" filmindəki rolu ilə tanınıb.
