"Dövlət sifarişi ilə Cəfər Cabbarlı adına "Azərbaycanfilm" kinostudiyasında istehsal olunan rejissor Elçin Musaoğlunun "Məryəm" tammetrajlı bədii filmi hazırda beynəlxalq kino festivallarına təqdim olunma mərhələsindədir".
Bu barədə Mədəniyyət Nazirliyindən APA-nın sorğusuna cavab olaraq bildirilib.
Qeyd olunub ki, filmin festival həyatı başa çatdıqdan sonra onun kütləvi nümayişi ilə bağlı tarix müəyyən olunacaq.
Xatırladaq ki, filmin süjet xətti ölmüş bildiyi atasını görmək üçün uzun illər sonra Azərbaycana gələn və onu ucqar rayonda yerləşən ruhi-əsəb xəstəxanasında tapan Məryəm adlı qızdan bəhs edir.
