Amerikalı müğənni Keti Perri kosmosa səyahət edəcək.
Kulis.az xəbər verir ki, “California girls", "Dark horse" ve "Roar" kimi mahnıları ilə tanınan məşhur müğənni Keti Perri kosmosa səyahət edəcək.
Amerikalı iş adamı Jeff Bezosa məxsus olan “Blue Origin” aerokosmik şirkəti "NS-31" missiyası çərçivəsində, təxminən, 10 dəqiqə çəkəcək kosmos səyahəti ilə bağlı açıqlama verib.
Sərnişinlər arasında Bezosun nişanlısı, keçmiş jurnalist Lauren Sanchez, jurnalist Gayle King, alim Amanda Nguyen ilə yanaşı Perrinin də olacağı qeyd edilib.
Qeyd edək ki, “Blue Origin” 2021-ci ildən kosmik turizm çərçivəsində 10 dəqiqəlik ödənişli uçuşlar həyata keçirir.
