Mədəniyyət Nazirliyi və Azərbaycan Respublikasının Kino Agentliyinin 2023-cü ildə keçirdiyi "Dövlət sifarişi və dəstəyi ilə istehsal olunan film layihələrinə dəstək müsabiqəsi"də qalib olan, "Kapitan və Xəzər dənizi" qısametrajlı sənədli filminin istehsalı yekunlaşıb.
Kulis.az xəbər verir ki, “Rental Azərbaycan” MMC tərəfindən istehsal olunan filmin ssenari müəllifi və rejissoru Türkan Hüseyn, prodüseri Emil Nəcəfovdur.
Filmin animasiya hissəsi isə "Harmony of Chaos" studiyasında istehsal olunub.
Film 1990-cı ilin 20 yanvar günü baş verən ümumxalq faciəsindən, Xəzər Dəniz Neft Donanmasının kapitanlarının, həmçinin hadisələri lentə alan jurnalist və operatorların qəhrəmanlıqlarından bəhs edir.
Qeyd edək ki, Krakov film festival marketində, "Beldocs pitching forum və Balkan watchers" proqramlarında iştirak etmiş filmə Currenttime TV, İctimai TV və Azərbaycan Kinematoqrafçılar İttifaqı da dəstək göstərib.
