Fransız aktyor Jerar Depardye iki qadına qarşı cinsi zorakılıq etməkdə təqsirli bilinib.
Kulis.az xəbər verir ki, bu barədə “Sky News“ məlumat yayıb.
200-dən çox filmdə rol almış 76 yaşlı aktyor, Parisdəki məhkəmə tərəfindən 2021-ci ildə çəkilən "Les Volets Verts" filminin çəkilişi zamanı iki qadına cinsi zorakılıq etməkdə təqsirli bilinib.
Qeyd edək ki, 2019-cu ildə aktrisa Emmanuel Debever də 1982-ci ildə "Danton" filminin çəkiliş meydançasında Depardyenin ona qarşı zorakılıq etməsi ilə bağlı ittihamlar səsləndirmişdi.
