Məşhur iranlı rejissor Məhəmməd Rəsulof müvəqqəti azadlığa buraxılıb.
Kulis.az APA-ya istinadən xəbər verir ki, bu barədə rejissorun vəkili Məryəm Kianersi AFP xəbər agentliyinə bildirib.
"Şər yoxdur" filminə görə 2020-ci il Berlində "Qızıl Ayı" mükafatının qalibi Məhəmməd Rəsulof ötən iyul ayında sosial mediada hökuməti tənqid etdiyinə görə həbs olunduqdan sonra Tehranın Evin həbsxanasından müvəqqəti olaraq azad edilib.
"Müvəkkilimin həbsi səhhətinə görə iki həftə müddətinə dayandırılıb", vəkil deyib. 50 yaşlı Rəsulof iyulun 8-də İran təhlükəsizlik qüvvələrini may ayında ölkənin cənub-qərbindəki Abadan şəhərində binanın uçması ilə nəticələnən etirazlar zamanı silahdan istifadəni dayandırmağa çağıran müraciət dərc etdikdən sonra həbs edilib.
Rejissorun müvəqqəti olaraq azadlığa buraxılması fevralın 3-də Tehranın Evin həbsxanasından çıxan yaxın dostu, tanınmış kinorejissor Cəfər Pənahinin azadlığa çıxmasından sonra baş verib. Xatırladaq ki, Pənahi də zaminə buraxılıb və onun işinə mart ayında baxılacaq.
