III Beynəlxalq Bakı Piano Festivalı çərçivəsində Argentinanın Azərbaycandakı səfirliyi tərəfindən film gecəsi təşkil olunub.
Kulis.az xəbər verir ki, “Landmark Hotel Baku”da keçirilən tədbirdə argentinalı müğənni-bəstəkar Miriam Aleksandra Biançinin həyatından bəhs edən film nümayiş edilib.
Qeyd edək ki, “I’m Gilda” filmi 30 yaşında sənətə atılmağa qərar vermiş, amma sənətinin zirvəsində, 36 yaşında faciəvi şəkildə avtomobil qəzasında həyatını itirmiş, məşhur “Gilda” ləqəbli argentinalı müğənninin yaradıcılıq yolundan bəhs edir.
