Təqaüdçü müəllimə Sevinc Bayramovanın (Sevinc Afət) “Həsrət yağışı” adlı şeirlər kitabının təqdimatı keçirilib.
Kulis.az xəbər verir ki, Vətən sevgisindən, tələbəlik illərindən, bacı həsrətindən və Allaha münacatlardan ibarət şeirlər toplusu müəllifin ilk kitabıdır.
Kitaba naşir Hacı İsmail Allahverdi ön söz yazıb.
Təqdimat mərasimində müəllifin tələbə yoldaşları olan alimlər, ziyalılar təqdim olunan kitabdakı şeirlər haqqında danışıb, öz ürək sözlərini və təbriklərini çatdırıblar.
Tədbirin sonunda müəllif iştirakçılara ürək sözləri yazılan kitabını hədiyyə edib.
