Türkiyənin Mədəniyyət və turizm naziri Mehmet Nuri Ersoy TBMM-dəki büdcə təqdimatında "Gələcəyə miras" layihəsinin nəticələrini elan edib.
Kulis.az xəbər verir ki, 2024–2026-cı illər ərzində 67 əyalətdə aparılan qazıntılar zamanı 32 mindən çox tarixi eksponat və arxeoloji tapıntı aşkar olunub.
Nazirlik 2027-ci ildə arxeoloji tədqiqatların sayını 820-yə çatdırmağı hədəfləyir.
Ölkənin turizm göstəricilərini də bölüşən Ersoy, 2026-cı ilin ilk doqquz ayında Türkiyənin 49 milyon ziyarətçi qəbul etdiyini və turizm gəlirlərinin 51,2 milyard dollara çatdığını bildirib.
Layihənin növbəti planlarına əsasən:
Antalya Muzeyi 2027-ci ildə yenidən fəaliyyətə başlayacaq.
Haydarpaşa Garı ərazisində İstanbulun Anadolu tərəfinin ilk arxeologiya muzeyi və arxeoparkı istifadəyə veriləcək.
UNESCO Dünya İrs Komitəsinin 49-cu sessiyası 2027-ci ilin yayında İstanbulda keçiriləcək.
"Türkiyə mədəniyyət yolu festivalı"nın coğrafiyası 32 əyalətə qədər genişləndiriləcək.
Ana səhifə
Reels
Yazarlar
Xəbərlər