Azərbaycan mədəniyyətinə ağır itki üz verib.
Kulis.az xəbər verir ki, Azərbaycanın Əməkdar müəllimi, aktyor Ənvər Vəliyev vəfat edib. O, bu gün Bakıda xəstəlik səbəbindən dünyasını dəyişib.
Qeyd edək ki, Ənvər Vəliyev 1945-ci ildə Bakıda anadan olub. Mirzağa Əliyev adına Azərbaycan Dövlət Teatr İnistutunda Dram-Kino fakültəsini bitirib və uzun illər orada müəllim kimi fəaliyyətini davam etdirib.
O həm də 10-dan bir çox filmdə aktyor kimi rol alıb.
