Əməkdar artist Əkbər Əlizadə verilişləri tənqid edib.
Kulis.az xəbər verir ki, aktyor özünün bir vaxtlar aparıcısı olduğu səhər proqramından video yayımlayıb.
O bildirib ki, səhər proqramında insanlara ancaq aqressivlik nümayiş etdirilir:
"Verilişlər var idi: hər səhər xoş ovqat, şən əhval-ruhiyyə. Yoxsa indi... Səhər-səhər aqressivlik, intriqa, mübahisə".
Qeyd edək ki, Əkbər Əlizadə "Space TV"də və ATV-də aparıcılıq edib. Sonuncu dəfə ATV-də çalışan aktyorun proqramının yayımı dayandırılıb.
