Bu gün Başqırdıstanın Xalq şairi Mustay Kərimin doğum günüdür.
Kulis.az bu münasibətlə onun "Üçüncü sirr" şeirini təqdim edir.
Məni üç möcüzə əsir edib
Həmişə;
Yer,
Göy,
Bir də qadın - üçüncü möcüzə.
Üç sirr məni düşünməyə vadar edir,
Heyrətləndirir;
Yer,
Göy,
Bir də qadın - üçüncü sirr.
Ancaq yerin sirri, daha sirr deyil,
Hər şey burda üzdədir.
Göydə də bir sirr qalmadı,
Dibi artıq görünür,
dayazlaşmaq üzrədir.
Yalnız qadın,
Ancaq qadın ...nədənsə,
Naməlum və gizli qalır,
Əbədi -
İlahi möcüzə kimi,
Sirr kimi,
Sehr kimi.
Başqırd dilindən tərcümə: Baloğlan Cəlil
