Kulis.az ABŞ-ın 40-cı prezidenti Ronald Reyqanın 1988-ci ildə Moskva universitetinin tələbələri ilə görüşdə danışdığı kiçik pritçanı təqdim edir.
Üç nəfər cənnətin qapısı ağzına gəlir. İçəri birinci kim gəlməlidir? Həkim deyir: “Allah Həvvanı Adəmin qabırğasından yaradıb, mənsə ömrü boyu cərrahlıqla məşğul olmuşam, buna görə birinci mən girməliyəm”. Mühəndis ona etiraz edir: “Ondan əvvəl Allah yeri xaosdan yaradıb, mənsə inşaatçıyam”. İqtisadçı onlara gülür: “Nə danışırsız, qardaşlar! Özünüz dediniz ki, ən əvvəl xaos olub, xaosu isə bildiyimiz kimi məhz iqtisadçılar yaradıb...”
