Kunq fu ustası Brüs Linin qızı Şennon Li Çin fəst-fud şəbəkəsini məhkəməyə verib.
Kulis.az xarici mediaya istinadən xəbər verir ki, Şennon Li atasının adına qurduğu “Bruce Lee Enterprises" adı ilə Çində fəaliyyət göstərən “Real Kung Fu” adlı fəst-fud şəbəkəsini məhkəməyə verib. Li iddia edir ki, şirkət 15 ildir Brus Linin fotosundan icazəsiz istifadə edir.
Şirkətdən 30 milyon dollar (təxminən 51 milyon manat) tələb edən Şennon Linin daha bir istəyi isə atasının yer aldığı loqonun bir daha istifadə edilməməsidir.
Qeyd edək ki, 1990-cı ildə yaradılan sözügedən fəst-fud şəbəkəsi 2014- cü ildən bəri loqosunda Brus Liyə bənzəyən tünd rəngli saçları olan bir kişi görüntüsündən istifadə edir. Restoran keçən il Çinin ən yaxşı 10 fəst-fud restoranı sırasında yer alıb.
