Bozun 50 çaları" filminin nümayişə başlanması London Fövqəladə Hallar İdarəsini təşvişə salıb. Kulis.Azın türk mətbuatına istinadən verdiyi xəbərə görə onlar çağırışların artacağından ehtiyatlanırlar.
İdarə rəsmiləri cinsi əlaqə zamanı qandal, halqalardan istifadə edənlərin çətinliklərlə rastlaşa biləcəklərini və bağlı qalmış qandal, halqalardan xilas olmaq üçün çağırılacaqlarını ehtimal edirlər.
London Fövqəladə Hallar İdarəsi ötən il aprel ayından bu yana 393 belə hadisə ilə qarşılaşıblar. Bu çağırışlardan 28-də zərərçəkənlər qandalı aça bilmədikləri, 293-də isə cinsiyyət üzvlərinə keçirdikləri halqaları çıxara bilmədikləri üçün müraciət ediblər.
Bu hadisələrə cinsi orqanlarını çörək qızardan cihaza və ya elektrik süpürgəsinə salanların xilas edilməsi də daxildir.
El Ceymsin eyni adlı romanı əsasında çəkilən və Anastasiya Stil adlı tələbə ilə milyarder Kristian Qreyin arasındakı sado-mazoxist əlaqədən bəhs edən filmin geniş kütlələrə təsir edəcəyi gözlənilir.
London Fövqəladə Hallar İdarəsinin rəsmisi Deyv Braun bildirib: “Bozun 50 çaları” cinsi əlaqə zamanı qandallama hallarının artmasına təsir edib. Filmi izləyənlərin diqqətli davranıb təsirə düşməyəcəklərini ümid edirik.”
İdarə rəsmisi daha sonra bildirib ki, noyabr ayında cinsi orqanına taxdığı iki dəmir halqanı üç gün çıxara bilməyən bir kişi xəstəxanaya aparılıbmış. Başqa bir hadisədə isə həyat yoldaşı bəkarət kəmərində bağlı qalmış bir qadın onlara müraciət edibmiş. Hər bir belə çağırış isə vergi ödəyicilərinə 295 sterlinq zərər vurur.
Deyv Braun vətəndaşlara belə vəziyyətə düşməmələri üçün xəbərdarlıq edib.
Xatırladaq ki, ABŞ kinoteatrları da tamaşaçılardan bənzər xahiş ediblər. ABŞ tamaşaçılarının filmə aid əşya və geyimlə kinoteatrlara gəlmək adətləri var. Buna görə də kinoteatrlar arzuolunmaz hadisələrin qarşısını almaq üçün qandal və qamçıları zala buraxmayacaqlar.
