Parkinsondan əziyyət çəkən danimarkalı rejissor Lars von Trier reabilitasiya mərkəzinə yerləşdirilib.
Kulis.az xəbər verir ki, rejissorun dostu, "Zentropa"nın prodüseri Luiz Vest bununla bağlı instaqram hesabında açıqlama verib:
"Lars hazırda müalicə olunur. O, burada qayğı ilə əhatə olunub və daha rahat işləyir".
Qeyd edək ki, 68 yaşlı danimarkalı rejissora 2022-ci ildə Parkinson diaqnozu qoyulmuşdu.
Müəllif kinosunun görkəmli nümayəndələrindən hesab olunan rejissor "Melankoliya", "Qaranlıqda rəqs", "Dalğaları yararkən" filmləri ilə tanınır.
