Türk kinosunun klassikləri arasında yer alan "Şabanoğlu Şaban" filminin davamı üçün hazırlıqlara başlanılıb.
Kulis.az xəbər verir ki, "Şabanoğlu Şabanoğlu Şaban" adlanan yeni ekran işində mərhum aktyor Kemal Sunalın unudulmaz obrazını oğlu Ali Sunal davam etdirəcək.
"Poll Films" və "Arzu Film" tərəfdaşlığı ilə ərsəyə gələn layihənin rejissor kürsüsündə Can Ulkay əyləşəcək.
Çəkilişlərinə sentyabrın sonunda start verilməsi planlaşdırılan filmdə Şabanın oğlunun macəraları təqdim olunacaq.
Qeyd edək ki, hazırda aktyor heyətinin tamamlanması istiqamətində kastinq prosesi davam edir.
"Şabanoğlu Şaban" filminin davamı çəkiləcək
11 sentyabr 2026
11:30
