Televiziya tarixinin ən məşhur personajlarından biri olan Cessi Pinkmanı canlandıran və üç dəfə "Emmi" mükafatına layiq görülən aktyor Aaron Pol karyerasında tamamilə fərqli bir istiqamətə yönəlib.
Kulis.az xəbər verir ki, "Prime Video"nun izlənmə rekordları qıran və videooyun dünyasından ekranlaşdırılaraq qlobal fenomenə çevrilən "Fallout" elmi-fantastik serialının prodüseri üçüncü mövsümdə Aaron Polun aktyor heyətinə qatıldığını təsdiqləyib.
Aktyorun serialdakı rolu hələlik sirr kimi saxlanılsa da, prodüserlərin onun üçün stereotipləri qıran, tamamilə fərqli və gözlənilməz bir xarakter hazırladığı bildirilir.
Digər tərəfdən, ekran işinin sevilən simalarından olan Annabel O’Haqan və Deyv Recister də yeni mövsümdə əsas heyətə daxil edilib.
