Kulis.az Nurlana Həşimovanın “Ən qısa hekayə” müsabiqəsinə göndərdiyi “Bu sabah” (276 işarə) hekayəsini təqdim edir.
Göy gurultusuna oyanıb yağışın səsiylə düşünmək istədim bu sabah. İstədim yalın ayaqlarımı isladım damlalarda üşüyə-üşüyə. Sərin mehə qoşub nəmli saçlarımı sarılmaq istədim yağışa. Bəlkə susan könlüm dil açıb danışa. Bəlkə dualarım səmayla qovuşa. Və bəlkə arzulanan xəyal uzadıb əllərini göylərdən əllərimdən yapışa.
