Kulis.az Tural Nəsirovun “Ən qısa hekayə” müsabiqəsinə göndərdiyi “Səhər qarı” (290 işarə) hekayəsini təqdim edir.
Səhərdir. Yenə qar yağır. Həmişəki kimi qarı meşədən kimsəsiz otağına odun daşıyır. Qarı hərdən niyə tək qaldığını da fikirləşir.
Səhərdən yağan qar yavaş-yavaş güclənir. Qarı nə qədər kimsəsizliyindən şikayətlənsə də artıq gecdir. Meşədən qayıdan qarı otağına girər-girməz gözlərini əbədi yumur.
Günahkar kim idi? Bəlkə səhər qarı...
