Kulis.az Eyvaz Əzimovun “Ən qısa hekayə” müsabiqəsinə göndərdiyi “Cəhət” (387 işarə) hekayəsini təqdim edir.
Mən bölünmüşəm. Şimalla Cənub bölünən kimi. Mən tərəddüdəyəm. Qərb Şərqi inkar edən kimi. Mən getmək istəyirəm. Amma kainatın günəşdən bir türlü qopub gedə bilmədiyi kimi.
Mən indi “kor” olmuşam. Tunelin sonunda işığı görən “kor” kimi. Mən “lal”am. Yalnız “bağışla məni, hər şeyi düzəldəcəm” sözündən başqa digər cümlələrə cəsarətsiz “lal” kimi. Mən “kar”am. Başqa cavab almaq istəyi ilə sorduqlarıma bildiyim cavabı alıb eşitmək istəməyən “kar” kimi.
