Kulis.az Mehriban Nağıyevanın “Ən qısa hekayə” müsabiqəsinə göndərdiyi “Əlcək” (256 işarə) hekayəsini təqdim edir.
Qar yağırdı. Əminə həsrətlə ağır-ağır yağan qara baxırdı. Sanki bu qar onun üstünə yağırdı. Elə istəyirdi ki, rəngbərəng, isti əlcəyi olsun. O da uşaqlarla qartopu oynasın. Bu xəyallarla yuxuya getdi. Yuxuda Xocalı faciəsində həlak olan ata-anasını gördü. Onlar Əminəyə rəngbərəng əlcək almışdı...
