Dahi irland yazıçısı Ceyms Coysun “Ölülər” povesti Azərbaycan dilində işıq üzü görüb.
Kulis.azın vedriyi xəbərə görə, “Qanun” nəşriyyatında çap olunan povestin tərcüməçisi Ramiz Abbaslıdır.
Xatırladaq ki, C.Coysun bu povesti “Dublinlilər” kitabını tamamlayan əsərdir və 1907-ci ildə yazılıb. O vaxt Coysun 25 yaşı vardı.
“Ölülər” “Dublinlilər” toplusuna daxil olan hekayələri bir növ özündə cəmləşdirir. Povestdə bir çox ümumbəşəri problemlərə, o cümlədən, insanın tənhalığı, başqalarının, hətta ən yaxın adamların da onu başa düşməməsi, anlaya bilməməsi kimi məsələlərə toxunulur.
