Kulis.Az Şəmşad Ağanın “Ən qısa hekayə” müsabiqəsinə göndərdiyi “Küçə iti” (285 işarə) hekayəsini təqdim edir.
Bu həmin it idi, dünən küçədə güllələnən sahibsiz it. Yoldan keçənlər onun ağappaq dişlərinin parıltısına baxanda elə bilirdilər, it onlara gülür.
...Küçə itləri onun ağzından yerə düşən sümük üstündə boğuşurdular. Onun da bütün həyatı bu savaşda keçmişdi.
Heç kəs fərqinə varmırdı ki, ölən itin gözlərində bir küçüyün şəkli donub...
