Kulis.Az mərhum şair Akif Səmədin şeirini təqdim edir.
Bu halal yolnan yoldaşnan
Şuşaya gedə bilmirəm.
- 50 min lirəni Orhan Pamuka verdilər
- Türkiyədə Nizamiyə həsr olunmuş beynəlxalq konfrans işə başlayıb
- Teli zülmət, üzü məşəl, ömrü Kərbəla – Kazımoviçdən yeni şeirlər
Bir belə qohum-qardaşnan
Şuşaya gedə bilmirəm.
Qazağıq, özbəyik, türkük,
Tarixdə çoxuna görkük,
Həsrətdə, dözümdə bərkik
Şuşaya gedə bilmirəm.
Ulduzuq nədə bilirəm,
Bilirəm, dədə, bilirəm,
Evimə gedə bilirəm.
Şuşaya gedə bilmirəm.
Şuşasız evim evdimi?
Dözən mənəmmi, devdimi,
Kimə söyləyim dərdimi
Şuşaya gedə bilmirəm.
Şuşada güllər gülürmü?
Dağına duman gəlirmi?
Xudu müəllim bilirmi –
Şuşaya gedə bilmirəm.
Türk olmaq günahmı oldu?
Günahkar Segahmı oldu
Təbrizdən uzaqmı oldu
Şuşaya gedə bilmirəm.
