Ehtimallar şəhəri

Ehtimallar şəhəri
28 iyun 2016
# 16:00

Vüsal Hacı

Avtobusda bir qızın ayaqlarından gözlərinizi çəkə bilmirsizsə, burda cinsəl istəklərin olmasından daha çox, ayaqlarınızın tapdalanma ehtimalının 5-də 3 olmasıdır.

Sevgilinizlə Koroğlu parkında olarkən mövzu azlığından qəti şikayət etməzsiniz. Çünki, ya siz, ya da qarşı tərəf Koroğlunun atdan böyük olmasını müzakirə etməyə başlayacaq. Bu ehtimal 2-də 1-di.

Tanımadığın birinin avtobusun buxar tutmuş pəncərələrini silmək əvəzinə sizə baxaraq əl yelləməsi ehtimalı 265 mində 1-di.

Sevgilinizlə ayrıldıqdan sonra sizin Facebook profilinizə digər hesablardan baxma ehtimalı 50-də 1, bu il çəkdirdiyiniz fotolarınızı çap etmək ehtimalınız 96 mində 1, stol arxasında oturan insanların ayaqlarını yellətmə ehtimalı gün ərzində 55-də 1-dir.

...Və sonra bütün fellər beynimdə bir-bir iflic keçirdi. Texnologiyalarla dost olmağa başladım. İnsan hisslərindən 2-3 dəfə daha həssas olan sensorlu cihazlarla anlaşmağa başladım. Məsələn, soyuducumun buz kamerası mənə müxtəlif musiqilər təqdim edir, televizorum reklam fasiləsində başqa kanallara çevirir, reklam bitən kimi avtomatik təkrar izlədiyim filmə geri gətirirdi.

Hər addımını XXI ərin texnoloji yeniliyi ilə yaşayan birinin həyatı, qəbul imtahanlarına düşməyən dərslər kimi əyləncəli keçir, bu vəziyyətdə səni düşünmə ehtimalım sıfra bərabərdi. Üzgünəm, beynimdə fosforun miqdarı səni aylarla düşünməyə bəs etmədi.

Xəbər saytlarının bazar günlərində uydurduqları xəbərlərlə ziyarətçi topladıqları kimi mən də unutmaq üçün yeni-yeni texnologiyalarla tanış olmağa çalışdım.

Bəzən insan inamını qazanmaq üçün reklam şirkətlərinin nə qədər məbləğ xərclədiyini düşünürəm. İşıqlı reklam lövhələri ilə gecə-gündüz həyatıma daxil olmaq istəyən məşhurun dediklərinə inanmadığım halda sənin bir neçə manat xərcləyərək makiyajlanmış üzünə necə aldanım?

Halbuki, birinə bir reklam lövhəsi qədər inanmağı çox istəyərsən bəzən.

# 1280 dəfə oxunub

Oxşar xəbərlər

Beş - Rasim Əlizadənin hekayəsi

Beş - Rasim Əlizadənin hekayəsi

17:40 18 iyul 2024
Neytral haldan yaranan insanlığın xülyası - Məhəmməd Kərimov

Neytral haldan yaranan insanlığın xülyası - Məhəmməd Kərimov

14:30 14 iyun 2024
Səkilərdə toqquşur baş-ayaq küt baxışlar - Xosrov Natil

Səkilərdə toqquşur baş-ayaq küt baxışlar - Xosrov Natil

11:30 23 may 2024
Məlikməmmədin nağılı - Aliyə Qədirovanın hekayəsi

Məlikməmmədin nağılı - Aliyə Qədirovanın hekayəsi

16:32 22 may 2024
Aş qonaqlığı - Xaliq Rəhimlinin hekayəsi

Aş qonaqlığı - Xaliq Rəhimlinin hekayəsi

12:00 21 may 2024
Azərbaycanda ilk qadın jurnalı - "İşıq"

Azərbaycanda ilk qadın jurnalı - "İşıq"

16:30 17 may 2024
#
#
# # #