Gecədi...Ağrılarım var. Ağrıya hamiləyəm yenə

Gecədi...Ağrılarım var. Ağrıya hamiləyəm yenə
22 noyabr 2012
# 18:07

Fəxri ad alacam

Bu gecə şeir yazacam...
-çoxdandı yazmadığım üçün.
Yazacam ki, reytinqləri aşım sənin üçün.
Bu gecə anti reklam edəcəm özümü,
Yazacam bu gecə söz düzümü.
Sabah söyəcəm Füzuli babamı...
-tanıyacaq məni hamı.
Selikon qoyduracam “S”-ya,
Qaynaq etdirəcəm “O”-nu...
-“Ö” olacaq, “Ö”
Bu gecə “Z”-ya zurna çalacam,
Sabah fəxri ad alacam.


Səni sevən gülmüşəm

Damlalardan yarandın,
Damlalara dönərsən,
Həyatımın mənası, Sən...
-mənsiz necə ölərsən?
Damla , damla köçən sən,
Bir də mənəm torpaqda,
Bulud olub yağan sən,
Qarşıladım torpaqda.
Ölmüşəm mən, Ölmüşəm,
Başına bəla çönmüşəm.
Səni sevən gülmüşəm,
Gömülmüşəm torpağa.


Ağrılarım var

Yenə gecədi, yenə ağrılarım var...
Ağrıya hamiləyəm mən.
Səninlə ayrıldıq, yaxşı oldu,
Məni bu halda görməyini istəmirəm.
Hər an ağrıdan ağrı doğuram,
Sevgiyə ağrılarımla yoğruluram.
Gecə saat ikidi...
İki aksenfort, iki dikonim içmişəm,
Deyəsən keyimişəm,
Daha məni sevməyini də istəmirəm.
Günorta sümüklərim yamanca ağrıdı...
Həkimə getdim.
Qan analizinə yolladı məni,
Amma analizə getmədim.
Qorxuram səni...
Qanımda taparlar səni.
Yaxşısı budu dözüm ağrılara,
Yaxşısı budu mən köçüm varağlara
Cır at məni, uçum dağlara.
Hər gün ağrıdan ağrı doğunca,
Yoğrulunca beləcə sevgimə,
Sən də qanımla köç iliyimə.


F 3

Özümü itirmişəm, itirmişəm səninlə birgə,
Axtarışa ver məni kompüterində “F 3”-lə.
Ya da ki, “Vızıv” at əlimə...
-əllərim qovuşsun əllərinə.
Gəl tap məni təcili yardım gəlincə,
Dur gəl elə bu gecə, elə indicə.
Bir də sabah olsun,
Gün zülmətdən yorulsun.
Anam nəzir paylasın sənin gəlişinə...
-zamanın bu işinə, gərdişinə.
Sağlıqlar deyilsin “Facebook”-a, “Twitter”-ə,
Bəyənilsin səhifələrim, qovuşsun əlinə əllərim.
Əl-ələ verib təbliğ edək məni,
Sənə yazdığım sevgi şeirlərini.

# 1857 dəfə oxunub

Oxşar xəbərlər

# # #