Amerikalı aktyor Vin Dizel "Instagram" hesabında 2028-ci ilin martında premyerası olacaq "Forsaj: Həmişəlik" (Fast & Furious: Forever) filmi haqqında yazıb.
Kulis.az xəbər verir ki, sənətçi filmin ssenarisini oxuyarkən ağladığını qeyd edib:
"Mən indicə "Forsaj: Həmişəlik" filminin ssenarisini oxudum... Bu, son onilliklərdə gördüyüm ən yaxşı ssenaridir. Hələ də ağlayıram".
May ayında Dizel Kann kinofestivalı çərçivəsində "Forsaj" filminin xüsusi nümayişində etiraf etmişdi ki, mərhum aktyor Pol Uokerlə bağlı xatirələrə görə lenti izləmək onun üçün çox ağırdır. Çıxışı zamanı o, duyğularını cilovlamaq üçün bir neçə dəfə fasilə verməli olub.
Tədbirdə həmçinin Uokerin qızı Midou da iştirak edib. Dizel qızı "güc mənbəyi" adlandırıb və Polun öz qızı ilə fəxr edəcəyinə əminliyini ifadə edib.
Qeyd edək ki, 2025-ci ilin dekabrında Dizel portuqaliyalı futbolçu Kriştiano Ronaldo üçün "Forsaj" franşizasının yeni filmində rol hazırlandığını da açıqlamışdı.
"Forsaj: Həmişəlik" filmi 17 mart 2028-ci ildə qlobal prokata çıxacaq. Ekran işi franşizanın onuncu hissəsinin davamı olacaq.
Vin Dizel kimdir?
Vin Dizel (əsl adı Mark Sinkler; 18 iyul 1967-ci ildə anadan olub) — amerikalı aktyor, kinorejissor, ssenarist və prodüserdir. O, ən çox "Forsaj" (Fast & Furious) kinofranşizasında canlandırdığı Dominik Toretto rolu ilə dünya şöhrəti qazanıb. Bundan əlavə, "Riddikin salnamələri" (The Chronicles of Riddick) və "Üç İks" (xXx) kimi məşhur döyüş filmlərinin ulduzudur. Dizel həmçinin "Marvel"in "Qalaktika mühafizəçiləri" (Guardians of the Galaxy) seriyasında Qrut (Groot) personajını səsləndirməsi və "Dəmir nəhəng" (The Iron Giant) animasiyasındakı dublyajı ilə də tanınır. O, müasir dövrün ən çox kassa gəliri gətirən hərəkət və döyüş filmi aktyorlarından biri hesab olunur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər