"Oskar" tarixində yeni rekord

Kino

Ana səhifə
Kino

"Oskar" tarixində yeni rekord

23 yanvar 2026

15:54

Hollivud ulduzu Timoti Şalame daha bir mühüm nailiyyətə imza atıb.

Kulis.az xəbər verir ki, aktyor Amerika Kino Akademiyasının “Oskar” mükafatına üçüncü dəfə namizəd göstərilən ən gənc aktyor kimi tarixə düşüb.

30 yaşlı Şalame bu rekordu “Möhtəşəm Marti” filmindəki roluna görə “Ən yaxşı aktyor” nominasiyası ilə əldə edib.

Qeyd edək ki, Timoti Şalame bundan əvvəl də eyni kateqoriya üzrə 2018-ci ildə “Məni adımla çağır”, 2025-ci ildə isə “Tam naməlum” filmi ilə namizəd olmuşdu.

Xatırladaq ki, bu göstərici indiyədək Marlon Brandoya məxsus idi. Mərhum aktyor 1950-ci illərdə “Arzu tramvayı”, “Viva, Zapata!” və “Yuli Sezar” filmləri ilə bu kateqoriyada diqqət çəkmiş, ilk “Oskar” mükafatını isə 1955-ci ildə “Sahildə” filmindəki roluna görə qazanmışdı.