Oskar mükafatlı rejissor Martin Skorseze böyük ekrana qayıdır. Son olaraq “Killers of the Flower Moon” filmi ilə tamaşaçı qarşısına çıxan məşhur rejissor yeni layihəsi üzərində işləyir.
Kulis.az xəbər verir ki, “What Happens at Night” adlı film Piter Kameronun eyniadlı romanı əsasında ekranlaşdırılacaq.
Filmdə baş rolları Leonardo DiKaprio və Cennifer Lourens ifa edəcək. Ssenarini Patrik Marber qələmə alıb.
Ekran əsəri övladlığa uşaq götürmək üçün Avropaya yola düşən amerikalı bir cütlüyün hekayəsini danışır.
Maraqlıdır ki, “What Happens at Night” Martin Skorsese ilə Leonardo DiKaprionun yeddinci əməkdaşlığı olacaq. Cennifer Lourens isə rejissorun filmlərində ilk dəfə çəkilir.
Qeyd edək ki, Martin Skorseze Lourensin Robert Pattinsonla baş rolu paylaşdığı son filmi “Die, My Love”ın prodüseri olub. DiKaprio və Lourens daha əvvəl 2021-ci ildə Adam Makkayın “Don’t Look Up” filmində birgə kamera qarşısına keçiblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər