Tom Hollandın baş rolda oynadığı “Hörümçək adam: Yeni gün” filminin çəkilişləri başa çatsa da, layihə üçün əlavə səhnələr lentə alınır.
Kulis.az xəbər verir ki, aktyor Tom Holland hazırda Londonda yeni səhnələrin çəkilişində iştirak edir.
Filmdə Hollandla yanaşı Zendaya, Seydi Sink, Ceykob Batalon, Con Bernthal, Mark Ruffalo, Trammell Tillman və Maykl Mando kimi aktyorlar rol alır.
Bildirilib ki, filmin bir neçə həftə əvvəl yayımlanan treyleri 1 milyard baxışı keçərək rekord qırıb.
Hadisələri “Hörümçək adam: Evə dönüş yoxdur” filmindən dörd il sonrakı dövrdə baş verən ekran işi Piter Parkerin həyatında yeni mərhələni əks etdirəcək.
Tom Holland son açıqlamasında əlavə çəkilişlərin səbəbinə də aydınlıq gətirib. Onun sözlərinə görə, filmə daha çox yumor qatmaq və mənfi obrazın hekayəsini gücləndirmək üçün bəzi səhnələr yenidən işlənir.
“Sadəcə bəzi hissələrə son toxunuşlar edirik. Daha çox yumor əlavə etməyə çalışırıq və mənfi rolu daha maraqlı şəkildə təqdim edirik”, – deyə aktyor bildirib.
Qeyd edək ki, filmin rejissoru Destin Deniel Kretton, ssenari müəllifləri isə Kris MakKenna və Erik Sommersdir. Təxminən 150 milyon dollar büdcəsi olan film 31 iyul 2026-cı ildə kinoteatrlarda nümayiş olunacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
