Azərbaycanın ilk müstəqil teatrı ADO (Azərbaycan Dağınıq Oda) yerləşdiyi məkandan çıxarılır.

Kulis.az xəbər verir ki, bu barədə teatrın təsisçisi Elmin Bədəlov müraciət yayıb. Aktyor bildirib ki, pandemiya ilə əlaqədar 1 il işləməyən teatr maddi çətinliklə qarşılaşıb.

"Bu gün ADO’nun məkanında bütün loqolar tərsinə çevrildi - 10 mart, 2021. Milli Teatr günü. Bu gün ADO məkanını itirəcək xəbəri aldı, teatra 15 mart tarixinə qədər məkanı təhvil verməklə bağlı xəbərdarlıq edildi. Əks təqdirdə ölkəmizin ilk müstəqil teatrı olan 9 yaşlı ADO (Azərbaycan Dağınıq Oda teatrı) bütün əşyaları ilə küçəyə göndərilir".

• Güllələr demədi geri qayıdın – İsa İsmayılzadə
• “Park” nəşriyyatının təqdimatı olacaq
• Pioner şeypuru və Dədə Qorqud sazı - Salam Sarvanın "tarix dərsi"

E. Bədəlov bildirib ki, teatrın yerləşdiyi məkanın sahibi müəyyən güzəştlər etsə də, artıq ayın 15-dən ödəniş olunmadığı təqdirdə məkanı geri təhvil alacağını bildirib.

"9 il ərzində yığılmış rekvizitlərin sayı çox olduğu üçün onlara sahib çıxa bilmirik və 15 mart Mirzəağa Əliyev 245 ünvanında fəaliyyət göstərdiyimiz bu məkanı itiririk. Teatr yaranmış bu çətinliklə bağlı ictimaiyyətə mütəmadi olaraq məlumat verəcək və bütün gedişatı hər kəslə paylaşacaq. Eyni zamanda geridə qoyduğumuz 9 ilə və qarşıya güzgü tutmağa, bütün baş verənləri ölkənin ilk müstəqil teatrı olaraq siz ictimaiətlə müzakirəyə açıq qoyacağıq.

Qeyd edək ki, teatr günüdə ADO-nun yaşadığı bu arzuolunmaz hadisədən sonra teatr teatr əməkdaşları bütün loqoları tərsinə çevirib.

• Güllələr demədi geri qayıdın – İsa İsmayılzadə
• “Park” nəşriyyatının təqdimatı olacaq
• Pioner şeypuru və Dədə Qorqud sazı - Salam Sarvanın "tarix dərsi"