\"Bizim Bakı: Dəyişən şəhərdə keçən həyat\" adlı sərgi çərçivəsində qısametrajlı film müsabiqəsi elan olunub.

Kulis.az-ın məlumatına görə Azərbaycan Fransız İnstitutu həyata keçirdiyi film müsabiqəsinin əsas məqsədi - son 20 ildə, sürətlə dəyişən Bakı ilə əlaqəli mövzular üzrə 5 dəqiqəlik qısametrajlı ictimai-sənədli filmlərin müsabiqəsini təşkil etməkdir.

Filmlər 16-24 Sentyabr tarixində sərgi zamanı ictimaiyyətə təqdim olunacaq.

Müsabiqənin qalibi Fransız İnstitutunun təklif etdiyi kurslar, xidmətlər və müxtəlif fəaliyyət növləri haqqında Azərbaycanda Fransız İnstitutu üçün internetdə yayımlanacaq qısametrajlı reklam çəkmək sifarişi alacaq.

Qısametrajlı filmlərin son təqdimat tarixi 30 İyul saat 18:00-dadır.
Müsabiqə peşəkarlar və həvəskar kinematoqraflar iştirak edə bilərlər.

Təqdim olunan filmlər üçün şərtlər:

•Filmin hazır variantı 5 dəqiqə müddətində olmalıdır.
•Müxtəlif texniki vəsait ilə çəkilə bilər: peşəkar və yaxud həvəskar kamera, fotoapparat və hətta mobil telefon ilə.
•DVD PAL, MPEG-4 və yaxud WinDVD/Media Playerlə formatda uyğun gələn formatda təqdim olunmalı.
•Adi təbliğatçılıq tərzində deyil, ictimai-sənədli-ədəbi formada müzakirə olunan (oyun farmasında olmayan), mövzu ətrafında tənqidi müzakirələr aparan sosial-sənədli xarakter daşımalı.
•Namizəd-rejissorların özlərinin çəkdiyi, və eyni zamanda, kino-arxiv kadrlarından istifadə olunmaqla, müsahibələrdən ibarət ola bilər.
•Film azərbaycan və/və ya rus dillərində təqdim oluna bilər. Fransız və ingilis dillərində subtitrlər arzuolunandır (tərcümə üçün kömək lazım olarsa, müsabiqənin təşkilatçıları tərəfindən təmin olunacaq).
•Film müsabiqəyə təqdim olunan vaxt namizəd-rejissorun seçdiyi mövzu üzrə qeydiyyatdan keçməlidir.
•Aşağıda qeyd olunan mözulardan birini seçib, mövzuya dəqiq riayət etmək lazımdır:

Filmi müsabiqəyə təhvil verən zaman, iştirakçılar filmin çəkildiyi mövzunun adını qeyd eləməlidirlər (məsələn, film «Şəhərin inşası» mövzusunda çəkilib).

İştirakçılar aydın şəkildə filmlərinin hansı kateqoriyaya aid olduğunu göstərməlidirlər.

Mövzular:

ŞƏHƏRİN İNŞASI. Bu kateqoriyadan olan filmlər, Bakının bir şəhər kimi son iyirmi il ərzində inkişaf tarixini göstərə bilər; şəhər sakinləri nəsillərinin bir-birilərini əvəz etməsi, zaman-tale obrazları və ideallarını şəhər və onun sakinlərinin həyatında əks olunması, həmçinin son iyirmi il ərzində Bakını tamamilə dayanmadan dəyişən tikinti canlanmasını gösərə bilər.

ŞƏHƏR ŞAYİƏLƏRİ. Bu kateqoriyanın filmləri şəhər şahyələri və miflərinin necə yaranması, və onların şəhər və onun sakinlərinin həyatında hansı bir rol oynadıığını göstərə bilər; onlar məhəllə mövzusunu toxuna bilər, şayələrin əhvalatlara, əhvalatların isə miflərə necə çevrilməsini göstərə, keçmişdə, hal-hazırda və gələcəkdə Bakının və bakılıların obrazını yarada bilərlər.

ŞƏXSİ VƏ İCTİMAİ HƏYAT. Bu kateqoriyanın filmləri bütövlükdə italyan məhəlləsi qonşuları arasındakı münasibətlərindən, qara şəhərin relsli küçələri sakinlərinindən və s. bəhs edə bilər. Müəlliflər eyni zamanda «daxili» və «xarici» kimi sosial-mədəni kateqoriyalara müraciət edərək, və bu kateqoriyanın necə dəyişməsini, yaxud dəyişməz qalmasını dəyişən nəsillərin zaman və məkan çərcivəsində izləyə bilərlər.

QEYRİ-RƏSMİ VƏ RƏSMİ BAKI. Bu kateqoriyanın filmləri kölğə iqtisadiyyatı (qara bazar, gizli dünya) və bunun rəsmi iqtisadiyyatla necə əlaqəli olduğundan söhbət aça bilər. Onlar vor v zakone, sovet dövründəki gizli sex fəaliyyatı kimi yarımqanuni təşkilatların və onlara olan himayədarlığın səbəbləri və rolu barədə, yaxud şəxsi münasibətlərin ictimaiyətdə rolundan (blat, klanlar və s.) söhbət aça, və zaman keçdikcə bu münasibətlərın necə təkamül etdiyini göstərə bilər.

NEFT ŞƏHƏRİ. Bu kateqoriyanın filmləri Sovet dövründə və ya bugün neftin Bakı əhalisinə təsirindən söhbət aça bilər. İnsanlar öz gələcəklərini və keçmişlərini neftlə və ya neftsiz necə fikirləşir və təsəvvür edirlər?

KOSMOPOLİT BAKI. Bu kateqoriyanın filmləri kosmopolit şəhər kimi Bakının görünüşünün 1960-1970-ci illərdən bəri necə dəyişdiyindən söhbət aça bilər. Filmlər bu gün kosmopolitizmin oynadığı roldan yaxud Bakının hal-hazırda tutduğu beynəlxalq mövqeyindən və yenicə dünyəviləşmiş cəmiyyətdə gənclərin özləri üçün təsəvvür etdiyi dünyagörüşündən bəhs edə bilər.

ZİDDİYYƏTLƏR ŞƏHƏRİ. Bu kateqoriyanın filmləri Bakının təcəssüm etdiyi ziddiyyətlərdən bəhs edə bilər : varlılar və kasıblar, şəhərlilər və qaçqınlar, Balaxanı və Bulvar və s. Onlar müxtəlif insanların birgə yaşaması, qaynayıb qarışması, bir-birinə səbrli münasibəti, və yaxud bir-birini inkar etməsindən söhbət aça və ya da şəhər fasadlarının Bakılıların həyatının böyük bir hissəsini gizlətdiyini göstərə bilərlər.
Konkursun qaydaları:

Filmlər [email protected] mail ünvanına və aşağıdakı post ünvanına göndərilməlidir:

\"Bizim Bakı\" sərgisi,
Azərbaycanda Fransız İnstitutu,
Füzuli küç, 67
Bakı, AZ1014


Günel Əsgərzadə

• “Peşəkar teatr dərsləri” layihəsi Lənkəranda
• Volter: “İngilislər çox gülməli xalqdır”
• Axundov onu sui-qəsddən xilas etmişdi... – Həsən bəy Zərdabinin həyatından qeyri-adi faktlar