Xəbər verdiyimiz kimi, Notr-Dam kilsəsində baş verən yanğından sonra fransız yazıçı Viktor Hüqonun məşhur “Notr-Dam-de-Paris” əsərinin dünya üzrə satışı artıb.

Hətta kitab “Amazon” saytında 10 ən populyar kitab siyahısına daxil olub.

Bəs Azərbaycanda vəziyyət necədir?

Sualı ən məşhur kitab mağazalarına ünvanladıq.

“LİBRAFF” mağazalar şəbəkəsindən bildirdilər ki, burada kitabın Azərbaycan dilinə tərcümə olunmuş nüsxəsi yoxdur. Yalnız rus və türk dillərində var. Məlum hadisə ağır templə satılan kitabların satışına təsir etməyib

Qanun Nəşrlər Evində vəziyyət bir balaca fərqlidir. “Paris Nort-Dam” kilsəsi əsəri ən çox satılan klassiklər içərisindədir. Kilsədə baş verən yanğından əvvəl kitabın tirajı bitib, yenidən çap eləməyi planlaşdırırlar.

Kitabevim.az-da orta templə satılan kitabın satışı son günlər artmayıb.

Kitab Klubundan bidirdilər ki, adı gedən əsər ölkə başçısının sərəncamı ilə çap olunan 150 cildlik dünya ədəbiyyatı seriyasına daxildir. 1500-ə qədər abunəçisi olan həmin sriyada Viktor Hüqo maraq doğuran müəlliflərdən sayılır. Konkret o əsərə gəldikdə, bunu hesablamaü mümkün deyil. Çünki “Paris Notr-Dam kilsəsi” Hüqonun üçcildliynə daxildir və üçüncü cildin yarısında yerləşdirilib. Üç cildin iki kitab yarımı “Səfillər” romanıdır. Kitab Klubunda Viktor Hüqoya fərdi müraciət çox deyil.

"Azərkitab" kitab mağazasında vəziyyət ümumiyyətlə dəyişməyib: əsər bir nüsxə də olsun satılmayıb.

“Əli və Nino” Mağzalar Şəbəkəsinin rəsmi saytında yerləşdirilən telefon nömrələrinin heç biri cavab vermədi.

• Məcnunu yandırıb-yaxan, Kərəmi alışdıran səs - Fəxri adı olmayan Qulu Əsgərov
• Nadir Yalçının “Lal ev” hekayələr kitabının təqdimatı oldu
• Tanrıya tapınan kamillik - Kamal Abdulla poetikası ilə mentallığın kiçik şəkli