Vaqif Səmədoğlu: “Tahir mənəm”

Ədəbi tənqid

Ana səhifə
Ədəbi tənqid

Vaqif Səmədoğlu: “Tahir mənəm”

16 noyabr 2012

14:36

Kulis.az Xalq Şairi Vaqif Səmədoğludan Qan Turalının yazısı ilə bağlı münasibət öyrənib. Qan Turalı dünən Kulis.az-da çap edilən “O hekayənin şifrəsini çözdüm”məqaləsində Yusif Səmədoğlunun “Güllər” hekayəsinin qəhrəmanı Tahirin Vaqif Səmədoğlu olduğunu bildirmişdi.

Vaqif Səmədoğlu bu hekayənin öz başına gələn hadisə əsasında qələmə alındığını təsdiqləyərək bu hekayənin qardaşı Yusif Səmədoğlunuin ilk hekayələrindən olduğunu deyib: “Mənim məzuniyyət konsertim 1956-cı ilin may ayında olub. Həmin günün səhəri atam Səməd Vurğunun yaxın dostu Aleksandr Fadeyev intihar etdi. Fadayevin intihar etdiyi gecə Səməd Vurğun bir yuxu görmüşdü. Bizə danışdı yuxunu, adamsız bir şəhərdə gedirmiş, qəfildən Fadayev onu arxasınca çağırıb. Səhər məndən Fadeyevi soruşdu. Biz də ailədə qərara almışdıq ki, dostunun intihar xəbərini ona deməyək. Bu xəbəri ona demədik. Atam isə 26 mayda vəfat etdi”.