Qaraqan orijinal kitaba pulu olmayan oxuculara pirat kitabları hədiyyə edir. Kulisini məlumatına görə bu barədə yazıçının rəsmi Facebook səhifəsində bildirilib.

Məlumatda qeyd olunur ki, Qaraqanın kitablarının müəllif hüquqları və satış hüquqları yalnız ona məxsusdur. Ona görə pirat dükanlarında satılan kitablara satıcı hansı qiyməti qoysa da bunu etməyə qanuni ixtiyarı yoxdur:” Azərbaycan respublikası ərazisində “Ali & Nino” mağazalar şəbəkəsindən başqa Qaraqanın "Mələk", "Evakuasiya", "Birinci Addım", "İkinci Addım" kitabları PULSUZ sizə Qaraqan tərəfindən HƏDİYYƏ edilir. Bu kitabları “Ali & Nino”dan başqa bütün digər dükanlardan PULSUZ götürə bilərsiniz.

Satıcıya bizim səhifənin rəsmi açıqlamasını göstərməyiniz kifayətdir. Amma bunu etmək məcburiyyətində deyilsiniz. İstənilən şikayətlərlə bağlı [email protected] email ünvanını bildirə bilərsiz.

Sizi POLİSLƏ hədələsələr polis əməkdaşlarına Yazıçının rəsmi Ərizəsini göstərməyiniz kifayətdir. Yazıçının pulsuz elan etdiyi məhsulu heç kəs sata bilməz. Kitabın bütün müəllif hüquqları, çap hüquqları yalnız Qaraqana məxsusdur. Satıcılarla mədəni və mülayim şəkildə danışın. Təhqir, söyüşdən uzaq olun, ictmai asayişi pozmayın, mübahisə etməyin. Sadəcə hədiyyənizi götürün. Orijinal kitaba pulu olmayan oxuculara PİRAT kitabları PULSUZ elan edirik.

• Azərbaycan-İsrail kinematoqrafçılarının birgə filmi təqdim olundu
• Kiyev tərəflərin nə çəkdiyini çırpına-çırpına sarı sim bilir - Günün şeiri
• “New York Post”: Heydər Əliyev Mərkəzi beynəlxalq incəsənət mərkəzinə çevrilib