Kulis.az satirik şair Əvəz Qurbanlının “Yasda da vay, toyda da vay” şeirini təqdim edir...

“Şərlə xeyir bənzər əkiz qardaşa”,
Mən bu sözü indicə düşdüm başa.

Vayda da vay, toyda da vay... can! Can! Aaaa...
Vay dədə vay! Oyna, davay: “can-cana”...

Biz də deyək meyxana: “toylar yıxır”,
Kim ki girir meydana, toylar yıxır...
Yasda yıxılmaq fələyin hökmüdü,
Toyda yıxılmışları toylar yıxır.

Vayda da vay, toyda da vay... can! Can! Aaaa...
Vay dədə vay! Oyna, davay: “can-cana”...

Borc eləyib, xərc eləyib iş görən,
“İşgüzar insanları” toylar yıxır.
Pəhləvana arxa yerə verməyən
Dağ kimi oğlanları toylar yıxır.

Vayda da vay, toyda da vay... can! Can! Aaaa...
Vay dədə vay! Oyna, davay: “can-cana”...

Ehsan aş üçün deyinirsən məgər?

Yas yıxa bilməz bizi, toylar yıxır...

Yas qurulur, toy çalınır? Bilmirəm,
Amma ki bu milləti toylar yıxır...

Vayda da vay, toyda da vay... can! Can! Aaaa...
Vay dədə vay! Oyna, davay: “can-cana”...

“Şərlə xeyir bənzər əkiz qardaşa”,
Sən də deyirsən bunu düşdün başa?
Onda soruşma nəyi toylar yıxır,
Toy günü müflis bəyi toylar yıxır...
Ən ölüsü, 50 manatdır tası
Sən toy edərsən, tutaram mən yası...

Vayda da vay, toyda da vay... can! Can! Aaaa...
Vay dədə vay! Oyna, davay: “can-cana”...

• "Qadın tez yoldan çıxır, ona görə də..." - Ofelya Şabanovanın həyat yoldaşı
• "Eşref Rüya" serialı bu vaxt yayımlanacaq
• Xalq artisti Fidan Hacıyeva: Anamın evini də satıb opera məktəbi yaratdım - MÜSAHİBƏ