Ədəbi tənqid

Əliağa Vahid: “Qurban bayramı”

Əliağa Vahid: “Qurban bayramı”
15 avqust 2011
# 12:30
Əliağa Vahid mollaxanada oxumağa başlamış, sonra ehtiyac üzündən təhsilini yarımçıq qoymuş, xarratlıq etmişdir. Gənc yaşlarında Bakıdakı «Məcməüş-şüəra» ədəbi məclisində iştirak etmiş, Azər (İmaməliyev), Müniri və b. şairlərin təsiri ilə lirik şerlər yazmışdır. Satirik şerlərində ictimai nöqsanları, mövhumatı, zülm və haqsızlığı ifşa etmişdir. «Tamahın nəticəsi» adlı ilk kitabı nəşr olunmuşdur.

Azərbaycanda Sovet hakimiyyətinin qələbəsini rəğbətlə qarşılayan Vahid inqilabi təbliğat sahəsində fəal çalışmış, yeni həyatı tərənnüm edən çoxlu şer: «Əsgər və fəhlə yoldaşlarıma», «Məktəb nə deməkdir», «Ucal, mələyim» və s. yazmış, «Kommunist» qəzetində, «Molla Nəsrəddin» jurnalında əməkdaşlıq etmişdir.


Balaca felyeton

Qurban Bayramı

Bir də görsəydim səni röyada, qurban bayramı,
Həsrətim qalmazdı bu dünyada, qurban bayramı.

Həzrəti İbrahimin sənsən ucaldan şöhrətin,
Sən onun artırdın aləmdə cəlalın, dövlətin;
Bir sənə tapşırdı getdi biz müsəlman millətin,
Olmuşuq irsən sənə dildadə, qurban bayramı.

Göz önündə keçmişim silinmiş təkər tək fırlanır,
Sanki əmrimlə yenə keyf məclisim hazırlanır;
Tüstü qalxır, dalbadal şişlik gəlir, manqal yanır,
Gəzdirir məşuqəm əldə badə qurban bayramı.

İndi də yadımdadır bərk içmişəm, kəlləm dolu,
Məclisimdən qovladım bayram günü bir yoxsulu.
Nə kabab verdim, nə verdim bir qəpik bayram pulu,
Aclıqdan başladı fəryada qurban bayramı.

Məclisimdə curlarım molladı, bəy, xandı bütün,
Layiqi yoxdu bizə hər yoxsulun, hər bir lütün;
Yüksəlirdik göylərə çıxdıqca manqaldan tütün
Fəxr edirdim mən səninlə, adə qurban bayramı.

İndi neylim çevrilib, dünya dəyişmiş sərbəsər,
Var nə qurbandan, nə şişlikdən, nə manqaldan əsər;
Köhnə adətlər pozuldu, mən qocaldım müxtəsər
Düşməyir illərcə yadə qurban bayramı.

Əliağa VAHID

“Kommunist” qəzeti, 1938-ci il № 33

Vüqar QURDQANLI
# 5566 dəfə oxunub

Oxşar xəbərlər

"Hindli həyatını məhz Qərb formasında nəql etmək..." - "Gecəyarısı uşaqları"nı niyə oxumalıyıq?

"Hindli həyatını məhz Qərb formasında nəql etmək..." - "Gecəyarısı uşaqları"nı niyə oxumalıyıq?

12:00 9 oktyabr 2026
“Belə hekayələr popkorn təsiri bağışlayır” – Hekayə müzakirəsi

“Belə hekayələr popkorn təsiri bağışlayır” – Hekayə müzakirəsi

15:00 8 oktyabr 2026
Buludlar səltənətindəki Bulud xatun və Beyrək, yaxud mənim ünyetməz yuxularım... - Məryəm Əlizadə

Buludlar səltənətindəki Bulud xatun və Beyrək, yaxud mənim ünyetməz yuxularım... - Məryəm Əlizadə

12:00 8 oktyabr 2026
Can Xue, Enn Karson, Cerald Murnane, Mirça Kertaresku, Enrike Vila-Matas, Kristina Rivera Qarsa... - Nobeli kim qazanacaq?

Can Xue, Enn Karson, Cerald Murnane, Mirça Kertaresku, Enrike Vila-Matas, Kristina Rivera Qarsa... - Nobeli kim qazanacaq?

14:00 7 oktyabr 2026
"Tarix özünü «baş abzas» elan edənləri yadda saxlamır..." - Hüseynbala Mirələmovdan Həmid Herisçiyə cavab

"Tarix özünü «baş abzas» elan edənləri yadda saxlamır..." - Hüseynbala Mirələmovdan Həmid Herisçiyə cavab

11:00 7 oktyabr 2026
"Əgər xoşbəxtlik deyilən bir şey varsa..." - Sürgündə yazan italyan yazıçı Natalia Ginzburq kim idi?

"Əgər xoşbəxtlik deyilən bir şey varsa..." - Sürgündə yazan italyan yazıçı Natalia Ginzburq kim idi?

10:00 7 oktyabr 2026
#
#
Ana səhifə Reels Yazarlar Xəbərlər