Kulis.az şair Aqşin Yeniseyin yeni şeirini təqdim edir.
Ulduzlu, aylı, ancaq qaranlıq səma
Kiminçünsə sehrdi, kiminçünsə müəmma.
Mənim üçünsə amma...
Gözümü yumub xatırladığım uşaqlıq...
Sevirəm gövdələri fikirli ağacları
Zonalara atılacaq ağac olmaq suçları
Kiminçünsə çırpıdı budaqların ucları
Mənim üçün ən əlçatan uzaqlıq...
Yaxşı şeir pis günlərdən gileydi
Adam var ki, ona ağu da meydi
Hamı deyir tanrı nəhəng bir şeydi
Mənim üçün uşaqdı bir qucaqlıq...
Kaş quş olam uçam ağac dəlməyə
Amma bunu evdə kimsə bilməyə
Adam çoxdu harda gəldi ölməyə
Mənimçün adam o ki bircə gün yaşamaqlıq...
