news-inner
clock12:53 calendar-gray 20 Avqust 2014 view-gray1363 dəfə oxunub
view-gray1363 dəfə oxunub

Kimi bəyənirsiniz-Anarı, Çingizi, yoxsa Rəbiqəni?

“Müqayisəli tərcümə” layihəsində bu dəfə rus şairəsi Marina Svetayevanın “Мне нравится, что вы больны не мной” adlı şeirinin tərcümələrini təqdim edirik. Bu şeiri Xalq Yazıçısı Anar, şair Çingiz Əlioğlu və gənc yazar Rəbiqə Nazimqızı tərcümə edib. Anar müəllimin tərcüməsini sərbəst tərcümə hesab etmək olar, Çingiz Əlioğlunun öz üslubunu bu şeirdə də hiss edirik, Rəbiqənin tərcüməsi isə mümkün qədər orijinala yaxındır. Sətirbəsətir nəzər salanda isə hər üç tərcüməyə yaradıcı yanaşıldığını görürük. Dəyərli oxuculara müqayisə imkanı yaratmaq üçün tərcümələrdən sonra orijinal mətni dədərc edirik.

F.Hüseyn

Anarın tərcüməsi

Yaxşı ki, dərdimdən dəli deyilsiniz siz,

Yaxşı ki, dərdinizdən dəli deyiləm mən də.

Ayaqlarımız altda torpaq heç vaxt qaçmayır.

Qürub çağı qəflətən hardasa görüşəndə.

Sizinlə oluram ərköyün, şıltaq

Sözlə oynamaqdan qorxmuram heç vaxt

Əlim əlinizə toxunan zaman

Titrəyib əsmirəm heç həyəcandan

Özünüz bilmədən məni sevirsiz

Yoxsa belə rahat yata bilərdim?

Aylı gecələrdə gəzmədiyimiz

Anlar, saatlarçün sizə təşəkkür.

Günəşin altında birgə deyilik,

Buna da təşəkkür, buna da şükür.

Bir daha sağ olun, neyləyək, nə qəm

Əfsus ki, mənimçün dəli deyilsiz.

Əfsus ki, sizinçün dəli deyiləm.

Çingiz Əlioğlunun tərcüməsi

Nə yaxşı, sən mənim xəstəm deyilsən,

Nə yaxşı ölmədim, mən də dərdindən

Yaxşı ki, bu zindan yer kürəsi də

Üzülməz heç zaman öz məhvərindən.

Bilsən arsız olmaq necə yaxşıdır,

Əladır sözünə baş qoşmasınlar,

Əli bir-birinə dəyən cavanlar

Nə xoşdur qızarıb heç çaşmasınlar.

Bilsən, qənşərimdə başqa birini

Sakitcə qucmağın, eh necə xoşdur!

Məndə görmədiyin nəvaziş üstə

Cəhənnəm hədəsi hədərdir, boşdur.

Dilin də dönməyir, adımçün bir bax,

Gecə istəmirsən, sübh çəkmir təbin

Kilsə sükutu da yaxşı ki, heç vaxt

Pozulmaz bizimçün, kəsilməz kəbin.

Təşəkkür edirəm sizə ürəkdən, –

Özünüz bilmədən məni bu qədər,

Həssas bir eşq ilə sevdiyinizçün,

Sakit gecələrim itməyib hədər.

O qürub çağları tək-tük görüşçün,

Aylı axşamlarda gəzmədik deyə.

O günəş üçün ki, qalxmadı göyə, –

Nə yaxşı – heyf ki, xəstəm deyilsiz,

Nə yaxşı – səd-əfsus ölmədim sizsiz.

Rəbiqənin tərcüməsi

Хоşdu ki, siz mənə vurulmаdınız,

Хоşdu ki, mən sizə vurulmаmışаm.

Nəhəng yеr kürəsi аyаqlаrımız

Аltındаn qаçmаdı, mən bunа şаdаm.

Хоşdu ki, məzəli, sərbəst оlmаq vаr,

Sözlərlə əylənib оyun qurmаmаq.

Yüngülcə tохunsа pаltаrdаn qоllаr,

Mеhindən bоğulub, hеç qızаrmаmаq.

Хоşdur ki, yаnımdа bir özgəsini

Rаhаtcа охşаyıb, qucursuz hər gün.

Cəhənnəm оdunа düşəcəyimi

Sаnmırsız mən sizi öpmədiyimçün.

Əzizim, bu əziz аdım dilində

Аnılır nə gеcə, nə gündüz - hеç vахt.

Хоşdu ki, kilsənin sаkitliyində

Bizə «аlliluyyа» охunmаyаcаq.

Minnətdаrаm sizə səmimi qəlbdən

Bilmədən sеvdiniz məni bu qədər:

Gеcə dincliyimçün minnətdаrаm mən,

Qürub çаğlаrındа nаdir görüşlər,

Mеhtаbdа gəzməyə çıхmаmаğımız,

Bir də ki, bаşımız üstündə оlmаyаn

Günçün - əfsus - mənə vurulmаdınız,

Əfsus ki, mən sizə vurulmаmışаm.

Orjinal mətn

Мне нравится, что вы больны не мной,
Мне нравится, что я больна не Вами,
Что никогда тяжелый шар земной
Не уплывет под нашими ногами.

Мне нравится, что можно быть смешной,
Распущенной - и не играть словами,
И не краснеть удушливой волной,
Слегка соприкоснувшись рукавами.

Мне нравится еще, что Вы при мне
Спокойно обнимаете другую,
Не прочите мне в адовом огне
Гореть за то, что я не Вас целую.

Что имя нежное мое, мой нежный, не
Упоминаете ни днем, ни ночью - всуе...
Что никогда в церковной тишине
Не пропоют над нами: аллилуйя!

Спасибо Вам и сердцем и рукой
За то, что Вы меня, не зная сами!
Так любите: за мой ночной покой,
За редкость встреч закатными часами.

За наши не-гулянья под луной,
За солнце, не у нас над головами,
За то, что Вы больны - увы! - не мной,
За то, что я больна - увы! - не Вами!

Oxşar xəbərlər

Xəbər lenti

Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021
Dəyişən gerçəkliklərdə gizlənən həyat - Aliyə yazır...
17:01 18 Yanvar 2021
Xalq artisti xəstəxanaya yerləşdirildi
16:19 18 Yanvar 2021
"Şanlı tarix" sərgisi açılacaq
16:09 18 Yanvar 2021
Elçiliyə gecə saat 1-də gedən, Cəfər Cabbarlının qızını alan, baba olduğunu eşidəndə dünyasını dəyişən yazıçı – Maraqlı faktlar
15:27 18 Yanvar 2021
Yeşilçam filmlərinin məşhur aktyoru vəfat etdi
14:46 18 Yanvar 2021
Qazilərimizdən bəhs edən film çəkildi
14:29 18 Yanvar 2021
50 yaşı tamam olan yazıçı: “Az qalıram utandığımdan qaçıb gizlənəm” – Müsahibə
13:50 18 Yanvar 2021
Peyvənd vurduran nazir və qərarsız Facebook əhli
13:02 18 Yanvar 2021
Məni sevgi üstə yaxaladılar – Əlizadə Nuridən yeni şeirlər
12:15 18 Yanvar 2021
Muzeyə getməməyi ilə məzələnən xalqım, oy! – Sərdar yazır...
11:42 18 Yanvar 2021
Beyin anevrizması keçirən məşhur repçi sağaldı
11:07 18 Yanvar 2021
Axşama tamaşa var
10:30 18 Yanvar 2021
Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021