writer1

Xuraman Hüseynzadə

Məqalə sayı

5
clock12:00 calendar-gray 25 İyun 2011 view-gray1433 dəfə oxunub
view-gray1433 dəfə oxunub

Növbəti stansiya – Gənclik

Gənclik… Bütün zamanları həsrətlə yolunu gözlətməyə və həsrətlə geri boylanmağa vadar edən dövr... Anbaan, saatbasaat şam kimi əritdiyimiz və özümüz də oduna əridiyimiz zaman kəsimi…

Biz gəncliyimizin insan ömrünün ən gözəl dövrü olduğunu belimiz bükülüb torpağa sarı əyiləndə dərk edirik…

Belədə isə ağ saçlar qara saçlara, bükülmüş qədd şux qamətə, ölmüş hisslər çılğın ehtirasa, qocalıq gəncliyə paxıllıq edir, elan edilməmiş müharibəyə başlayır. Bu, bizdə belədir.

Avropalı qocaların şortu, krossovkası, idman stili zahirən, ruhən və mənən gəncliyə yaxın olmağın təcəssümüdür. Onlar gəncliyin-gümrahlığın, təravətin və gözəlliyin yanındadırlar. Gənclik Avropa yaşlılarının timsalında daha da ecazkardır!..

Şəhərin küçələrində, dənizkənarı parkda qarşımıza idman stilli yaşlı əcnəbi cütlüklər çıxır… Onlar şəhəri gəzir, xoşlarına gələn mənzərələri fotoaparatın yaddaşına köçürürlər və s. Bu yaşlılara həsəd aparmaya bilmirsən. Və ayrılıb skamyada əyləşən azərbaycanlı ağsaqqalların, ağbirçəklərin söhbətinə qulaq asırsan. Adam həyata nifrət edir. Zəmanədən şikayət, gənclikdən qeybət, kommunuzmə məhəbbət bizim yaşlı nəsilin əsas müzakirə obyektidir…

Zəmanədən şikayəti yazaq kasıblığın, problemlərin ayağına. Bəs gənclikdən niyə giley-güzar edirlər?

***

Zamanın qarşılıqlı şəkildə bir-birinə təsir edən məqamları – keçmiş, indi və gələcək obyektiv zamanın üç ölçüsündən fərqlənir. Keçmiş “geridə qalan” anlamını özündə ehtiva etsə də, o, həmişə mövcuddur və həm indini, həm də gələcəyi təyin edir. Martin Haydegger keçmişin modusunu “atılmış” kimi; indinin modusunu varlığa aludəlik; gələcəyin modusunu isə daim bizə təsir göstərən “layihə” kimi təqdim edir…

Keçmişimizi bu günümüzün və gələcəyimizin təyinatçısı qismində görmək ağrılıdır. Keçmişimizin təyinayçıları qeybətcil, dedi-qoduya meyllidirlər; gəncliyə doğru yol göstərmək əvəzinə onları daha da qıcıqlandırır, əsəbləri ilə oynayırlar… Biz “atılmış”lar yox, “daim” bizə təsir edəcək “layihə”nin üzərində baş sındırmalıykən, bu “layihə”nin bivaxt “zamanın arxivinə” gömülməsinin şahidi oluruq.

Gənclik çılğındır, dinamikdir, daim axtarışda, inkişafdadır. “Mental dəyərlər” qəlibi müasir zamanın kombinasayaları qarşısında mat olmaqdadır. Heç-heçə şansı belə yoxdur.

Bizim mentaliteti stimullaşdıran ərə getməmiş qaş almamaq, oğlanla görüşməmək, şalvar, qısa ətək geyinməməkdir. Bunlar və Anar demişkən, fahişəyə çevrilən məlaikələr haqqında çox danışılır. Amma nədənsə məlaikəyə çevrilmiş fahişələrdən danışılmır. Gəncliyində bədənindən “çörək ağacı” kimi istifadə edən qadınlar var ki, yaşlaşanda ziyarətə gedib “məşədixanım”, “hacıxanım” olublar. Dövrümüzün qocalarının “bizim dövrün gəncləri belə deyildilər” kimi yersiz ittihamlarına gərək yox.

***

Bu mövzuda danışanda, yadıma nədənsə Markesin “Gözlənilən bir qətlin tarixçəsi” povesti düşür. Gənc və gözəl Anxelanın “mental dəyər”ini qoruya bilməməsi səbəbindən özünün və nə qədər insanın bədbəxt olması… Sonda yenə Anxelanın onu toy gecəsi atası evinə qaytaran sevgilisinə qovuşması… Anxela öz sevgilisinə qovuşur. Amma nə vaxt? Yaşlaşanda. Gəncliyi isə bihudə, “mentalitet”ə qurban verilərək keçir…

***

Zaman öz qatarı ilə sürətlə ötüb keçməkdə… Bu qatar həmişə bir dayanacağa can atır… Bir dayanacağa dönmək istəyir… Həmin dayanacaq o qatarı sövq-təbii durduracaq yeganə ünvandır. Bu səs hər birimizi bu barədə düşündürsə, gərək: “Növbəti stansiya GƏNCLİK!”

REKLAM

Yazarın digər yazıları

Xəbər lenti

Aygün Fətullayeva: "İstənilən rola çəkilərəm" - Video
21:02 25 Sentyabr 2020
Bakı caz festivalı yubileyini qeyd edəcək
18:50 25 Sentyabr 2020
Natali Portman kitab yazdı
18:15 25 Sentyabr 2020
AzTV “Diriliş Ərtoğrul” serialını yayımlayacaq
17:30 25 Sentyabr 2020
Məşhur rəssamın tablosu 80 milyon dollara satılır
17:02 25 Sentyabr 2020
Nobel mükafatının məbləği artırılacaq
16:25 25 Sentyabr 2020
Arvadını döyən tənha ata, öz qaynını sevən Həqiqət – Səriyyə xalaya çətin suallar gəldi
15:47 25 Sentyabr 2020
Qardaşlarından küsüb evdən getdi, ərli qadına aşiq oldu, dünyadan subay köçdü…– Maraqlı faktlar
15:08 25 Sentyabr 2020
"Salnaməfilm" Milli Qəhrəmanlar haqqında film çəkir
14:30 25 Sentyabr 2020
"YARAT”da sərgi
13:53 25 Sentyabr 2020
Paşinyanın arvadını neyləyəcəyik? – Sərdarın yazısı
13:10 25 Sentyabr 2020
Senatdan uyğurlarla bağlı şok təklif
12:31 25 Sentyabr 2020
Çingiz Abdullayevin gözə kül üfürməyi – Mirmehdi Ağaoğlu yazır...
11:51 25 Sentyabr 2020
Seymur Baycandan yeni kitab
11:13 25 Sentyabr 2020
Yekə döşlər, iri budlar? – Firuz Mustafa yazır...
10:40 25 Sentyabr 2020
Fəxrəddin Manafov xəstəxanaya aparılıb
10:00 25 Sentyabr 2020
Hər yanımdan məftillər sallanırdı - Bircənin romanı
09:00 25 Sentyabr 2020
“Qara dul qadın” filminin premyerası təxirə salındı
18:41 24 Sentyabr 2020
Bəxtin gətirmirsə, deməli...
18:04 24 Sentyabr 2020
Mən ki Allah deyiləm, uşaqları aldadım... – Yeni imza
17:25 24 Sentyabr 2020