writer1

Cəlil Cavanşir

Məqalə sayı

294
clock16:57 calendar-gray 11 İyul 2014 view-gray1736 dəfə oxunub
view-gray1736 dəfə oxunub

Saat... qadın... darıxmaq...

Cəlil Cavanşir yazır

...O gecə zibillikdən tapdığım krossvordu yazmaq üçün özümlə evə apardım. Stolun üstündəki siqaret qutularının və içki şüşələrinin arasında balaca bir yer düzəldib, ciddi-cəhdlə krossvord yazmağa girişdim. Gecə saat üçdü...

***

...O gün işə getmək üçün avtobusa mindim, salam verdim. Sürücünü telefonla danışırdı, üzümə belə baxmadı. Lap öndə oturmuş qızcığaz üzümə baxıb dodaqlarını qəribə şəkildə büzdü, “salamın başına dəysin” ədasıyla saçlarını gözlərinin üstündən çəkdi.

Qırmızı şalvarlı yeniyetmə gözlərini yumub özünü yuxululuğa vurmuşdu, birdən qalxıb kiməsə yer verməli olar deyə o da gözünü açmadı. Hicaba bürünmüş yaşlı qadın naməhrəmlərin ona toxunmaması üçün şişman gövdəsini oturacağın ən uzaq küncünə sıxışdırmaqla məşğuldu.

Təqaüd kartını əlində bərk-bərk sıxmış yaşlı kişi ümumiyyətlə nə dediyimi anlamadı. Kitab oxuyan tələbə qız gözünün ucuyla məni süzüb başını yellədi. Avtobus yerindən tərpəndi. Səhər saat ondu...

***

O gün havanın isti olmasına baxmayaraq avtobusdan düşüb bir siqaret yandırdım. Məncə səkkiz saatlıq iş günlərini ləğv etməyin vaxtı çoxdan yetişib. Bütün əmək müqavilələri, sığortalar ləğv edilməlidir. İnsanların niyə rahat həyatı, evi, avtomobili və sağlamlıq sığortası olmalıdır ki? Əgər dostlar kirayə mənzillərdən tabutumuzu çıxaracaqlarsa, nə ehtiyac var uzun-uzun iş günlərinə?

Ofisə girdim, bilgisayarımı işə saldım. Saata baxmağa həvəsim olmadı...

***

O gün səhərədən-axşama kağız-kuğuzlar arasında eşələndim. Naharı çayla yola verdim, çünki ay yeni başlasa da pulum bitmişdi. Pulsuzluğa nifrət edirəm. İnsan pulsuz qaldığı üçün daha çox işləməyə məcbur olur. Hə, bir də banklardan zəhləm gedir. Paytaxtda evim və qeydiyyatım olmadığı üçün mənə kredit vermirlər.

Axşam iş masamın üzərindəki kağızları toplayıb qapıdan çıxanda dostum zəng elədi. İçməyə çağırırdı. Mən isə evə gedib yatmağı düşündüyüm üçün axmaq bir bəhanə uydurdum. “Bu gün saatım evdə qalıb, gələ bilməyəcəm”. Heç nə demədi. Sağollaşıb avtobusa minəndə saata baxdım, saat yeddiydi...

***

O gün evə çatan kimi yatmağı düşünsəm də, olmadı. Facebookda gəzişdim bir az. Tanışlara, köhnə sevgililərə yazdım: “Təkəm. Hüzünlüyəm. Darıxıram.”

Absurd cavablar aldım: “Darıxma. Keçəcək. Təklikdəndir.”

Sevişməyə cəsarət edə bilməyən qadınların şıltaqlığı tutur sosial şəbəkələrdə...

Facebookda qəribə “smaylik”lərə nifrət edirəm...

Yerimə uzanıb yorğanı başıma çəkdim. “Günlərim necə də yeknəsəkdir” deyə düşündüm. Yata bilmədim. Qalxıb işığı yandırdım. Dünən zibillikdən tapdığım krossvordun bütün boş damalarına eyni sözü yazdım –“darıxıram...”

Qəfil telefonum işıqlandı. Səssiz rejimdəki telefonlara göz atmasaq zəng gəldiyini hiss etmirik.

O idi.

Görüşmək istəyirdi. Saatımı qolumdan açıb çarpayının üstünə atdım. Bu gecə saata baxmayacaqdım...

REKLAM

Yazarın digər yazıları

Xəbər lenti

Məşhur musiqiçi Trampı məhkəməyə verdi
14:21 06 Avqust 2020
Türkiyədə nazir olan, övladına Atatürkün adını qoyan, ömürlük həbs cəzasına məhkum edilən azərbaycanlı yazıçı – Maraqlı faktlar
13:32 06 Avqust 2020
Vladimr Sorokindən yeni kitab
12:44 06 Avqust 2020
Çörək, dərman, kitab... - Operativ Qərargaha təklif
11:58 06 Avqust 2020
Ziyalılar karantinlə bağlı müraciət etdi
11:16 06 Avqust 2020
Məşhur rejissordan yeni film gəlir - Treyler
10:38 06 Avqust 2020
"Min bir gecə" Vyanada nümayiş olundu
10:04 06 Avqust 2020
İtin kolbasasını uşağına verdiyi üçün villadan qovulan fəhlə - Varisin yeni hekayəsi
08:59 06 Avqust 2020
Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020
“Məni qardaşım hamilə qoydu" – Qırmızı donda intihar edən qızın faciəsi
13:32 05 Avqust 2020
Kamal Abdulladan orijinal layihə - Müsahibə
12:56 05 Avqust 2020
"Altın Koza"nın keçirilmə tarixi bəlli oldu
12:14 05 Avqust 2020
Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020