news-inner
clock08:45 calendar-gray 12 İyul 2014 view-gray1797 dəfə oxunub
view-gray1797 dəfə oxunub

Kino tarixinin 15 dahi rejissoru

Kulis.Az kinematoqrafiya tarixinə damğasını vurmuş 15 dahi rejissoru təqdim edir.

15. Vudi Allen

Amerikalı rejissor, prodüser, aktyor, yazar və musiqiçi Vudi Allen. 1 dekabr 1935-ci ildə Nyu-Yorkda anadan oldu. Əsərlərində əsasən insan münasibətləri və qara yumor qabarıqdır. Hardasa 50 ildir ki, film sektorunda yer alır və bir maşın kimi çalışan zəkası sayəsində hər il bir film çəkmək və ssenari yazmaqdan qalmır.

“Enni Holl”, “Manhetten” və “Paris gecəyarısı” ən yaxşı filmlərindəndir.

14. Roman Polanski

1933-cü ildə Parisdə doğulan məşhur rejissor “Rozmarinin körpəsi” adlı qorxu filmi ilə tanınmışdı. 1974-cü ildə çəkdiyi və baş rolunu Cek Nikolsonun oynadığı “Çin kvartalı” filmi ilə məşhurluğuna məşhurluq qatsa da ona ən böyük uğuru ona 2002-ci ildə çəkdiyi “Pianist” filmi gətirib.

13. Billi Uaylder

22 iyun 1906-cı ildə anadan olub və 2002-ci ildə vəfat edib. Komediya və nuar janrının ən önəmli təmsilçilərindəndir. 21 dəfə Oskar mükafatına namizəd olsa da 7 dəfə qazanıb.

“Bəziləri bu istini sevir”, “Sanset Bulvarı”, “İtirilmiş həftəsonu”, “Mənzil” ən önəmli filmləridir.

12. Sercio Leone

''Spagetti-vestern'' növünün ən böyük nümayəndəsidir. “Bir ovuc dollar”, xüsusən də “Yaxşı, pis və zalım” filmlərilə şöhrət qazanıb. 1984-cü ildə çəkdiyi “Bir dəfə Amerikada” filmi ilə təkcə ''Spagetti-vestern'' janrının ən usta rejissorlarından olmadığını sübut elədi.

11. Sidni Lyumet

1924-cü ildə anadan olan və 2011-ci vəfat edən usta rejissor. Çox erkən yaşda çəkdiyi “12 qəzəbli kişi” filmi ilə kino tarixinə adını yazmağı başardı. Al Paçinonun oynadığı “İt günortası” və “Serpiko” filmlərini çəkdi. 1976-cı ilə kulta çevrilmiş “Teleşəbəkə” filmini çəkdi. Böyük rejissor Oskar almayıb. Yalnız şərəf mükafatını alıb ki, bu da Oskar kateqoriyalarına daxil deyil.

10. Stiven Spilberq

Kinematoqrafiyada özünəməxsus yolu var, xüsusən fantaziya janrında kult filmlərə imza atıb. Ən yaxşı filmləri “Şindlerin siyahısı”, “Yura dövrünün parkı”, “Siravi Raynı xilas etməli”, “Vəkillər” və “İndiana Cons”dur. Üç dəfə Oskar alıb.

9. Alfred Hitçkok

Triller janrının ən böyük rejissorlarından. Mükəmməl filmlər çəkib və dahiyanə texnikaya sahib olub. Onun texnikası bu gün belə bir çox rejissor tərəfindən istifadə olunur. “Həyətə açılan pəncərə”, “Psixo”, “Başgicələnmə” və başqa filmlərin müəllifidir.

8. Fransis Ford Koppola

“Xaç atası” kimi 3 seriyalı kult filmin çəkən dahi rejissor. “Xaç atası”ndan sonra 1979-cu ildə digər bir kult filmi “Apokalipsis bu gün” filmini çəkdi. Koppola 5 dəfə Oskar alıb.

7. Frank Kapra

İtalyan əsilli Amerika rejissoru. 1939-cu ildə çəkdiyi “Missis Smis Vaşinqtona gedir” filmi ilə adını əbədiləşdirən Kapra 1946-cı ildə çəkdiyi və bu gün belə təsirini itirməyən “Bu gözəl həyat” filmini kino dünyasına təqdim edib. Üç dəfə Oskar alıb.

6. İnqmar Berqman

İsveçli dramaturq, rejissor və ssenarist. Melanxolik kino anlayışı olan Berqman 1957-ci ildə çəkdiyi və baş rolunda əfsanə aktyor Maks fon Syudovun oynadığı “Yeddinci möhür” unudulmaz olub.

5. Sergey Eyzenşteyn

Sovet kinorejissoru. Səssiz filmləri və kinematoqrafiya ilə bağlı tesizləri ilə məşhur olmuş rejissor. Ən unudulmaz əsəri “Potyomkin zirehli gəmisi” filmidir.

4. Andrey Tarkovski

Rus kinorejissor və ssenaristi. Dünya kinosunda özünəməxsus yeri var. “Poetik kino”nun ən vacib nümayəndələrindəndir.

“İvanın uşaqlığı”, “Solyaris” və “Andrey Rublyov” ən yaxşı filmləridir.

3. Akira Kurosava

Yapon film prodüseri, rejissor, ssenarist. Kinematoqrafiya tarixinin ən böyük rejissorlarından biri sayılır. “Rosyomon” filmi ilə məşhurlaşan Kurosava “Yeddi samuray”, “Ran” “Cangüdən” kimi filmləri ilə də məşhurdur.

2. Orson Uells

Onu kino dünyasının dahi uşağı da adlandırırlar. “Vətəndaş Keyn” kimi unudulmaz bir filmin rejissor və aktyoru. Ölümünün üstündən illər keçsə də texnikası çəkdiyi filmləri və ən önəmlisi “Rosebud” (qızılgül qönçəsi) kəlməsi ilə dünya durduqca yaşayacaq.

1. Stenli Kubrik

Yaradıcı zəkası, kəskin kino dili və ədəbi sənətləri istifadə etmə bacarığı ilə fərqlənən dahi rejissor.

“Kosmik Odisseya 2001”, “Portağal mexanizmi”, “Parıltı”, “Şöhrət yolu, “Lolita”, “Doktor Streyndclov”, “Barri Lindon” kimi əvəzedilməz filmlər onun bənzərsiz zəkasının məhsuludur.

Oxşar xəbərlər

Xəbər lenti

Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021