writer1

Cəlil Cavanşir

Məqalə sayı

294
clock13:42 calendar-gray 05 İyun 2014 view-gray1957 dəfə oxunub
view-gray1957 dəfə oxunub

Fazil Mustafanın tənqidlərindən nəticə çıxaraq

O günü millət vəkili Fazil Mustafa gənc yazarları haqlı olaraq babat tənqid edib. Şükürlər olsun ki, cəmiyyətimizdə hər şey qaydasındadır, bircə əlahəzrət vəkilimizin yazarları danlamağı çatışmırdı, əlhəmdülilləh, o da baş verdi.

İndi rahatca yazıb-yaratmaq, lap elə ayağını uzadıb ölmək də olar.

Çünki o konseptual açıqlamada, böyük ədəbiyyat yaratmaq üçün ciddi ipucları var.

Bəsirət gözü açıq olan qələm əhli bu yazıdan mütləq faydalana biləcək və uğur qazanacaq.

Vəkili-mötəbər bizim kiçik epizodları tənqid etməyimizdən bir az narahat olub. Hətta bizim fərqli görünməyə çalışdığımızı da üzümüzə vurub.

Sayın millət vəkili müdrik baxışlarını bir nöqtəyə zilləyərək əvvəlcə barmaqlarını şaqqıldadıb, sonra isə qayğılı-qayğılı buyurub: “Daha çox tənqidçi obrazında qalmaq, tənqidçi obrazı ilə insanların dəyişməsinə gətirib çıxaran yazı ortaya qoymaq çox çətindir. Bu baxımdan da daha çox oxuyaraq, daha çox hazırlıqlı olaraq yazmağa girişmək lazımdır. Tək istedad yetərli deyil. Onu da qeyd edim ki, bütövlükdə, qalıcı ədəbiyyat yaratdıqlarını mən düşünmürəm”. Sitatın sonu.

***

İndi ay Fazil müəllim, neyləyək? Bu qədər dərdin-azarın içində güldən-bülbüldən, qara xaldan, çiçək açan alça ağaclarından, perspektivli gələcəkdən yazaq? Yazaq e, amma necə yazaq, nətəri yazaq?

Siz dünyagörmüş, arif adamsınız və eşitdiyimə görə din, fəlsəfə, elm-ürfan, tarix barədə xeyli kitablar oxumuş və özünüz də yazmışsınız. Savadınıza və elminizə zərrə qədər də şəkk edən, kafirdir!

Hərdən, seçicilərinizin taleyi barədə düşünüb yorulanda, elmi-fəlsəfi-dini yazılarınıza nöqtə qoyanda lütfi-kərəm qılıb biz məsum və məzlum gənclərə bir master-klas keçin.

Öyrədin bizə necə yazmağı, dəyər yaratmağı, xalq üçün yanmağı və faydalı insan olmağı.

Nurlu çöhrənizdəki müdrik və şairanə təbəssümünüzü bizdən cüda etməyin, ey böyük insan!

Biz biçarələrə yazığınız gəlsin, bizi nura, haqqa, ədəbiyyata istiqamətləndirin!

Əgər siz bizə ədəbiyyat adlı bu uzun və keşməkeşli yolda yardım etsəniz, biz də sizin seçicilərin problemləri ilə yaxından maraqlanar, seçki marafonunda şəkillərinizi divarlara yapışdırıb, bukletlərinizi paylayarıq.

Bilirəm ki, siz millət vəkili kimi biz yazarların bütün problemləri ilə yaxından maraqlanır, bizə çətin günlərimizdə arxa-dayaq olur, sosial problemlərimizi, evsizliyimizi mütəmadi olaraq gündəmdə saxlayırsınız.

Bilirəm ki, bizim kirayələrdə yaşamağımız, gecə, gündüz demədən, fasiləsiz və istirahətsiz işləməyimiz sizi dərin depressiyaya salır.

Kövrək və incə qəlbinizlə daima xalqımızı və onun biçarə yazarlarını düşünürsünüz.

Bəs bizi siz də danlamayanda, kim danlayacaq?

Tez-tez vaxt ayırıb bizi danlayın, sərt şəkildə tənqid edin, yol göstərin.

Əgər belə olmasa biz öz yolumuzdan azar və böyük ədəbiyyat üçün heç nə edə bilmərik.

Mən sizə söz verirəm ki, xırda məkanlarda qurdalanmağa son qoyub böyük sferalara çıxacağam.

Ümid edirəm ki, digər həmkarlarım da Fazil müəllimin tənqidindən nəticə çıxarıb, özlərini düzəldəcək, avara-avara işlərlə məşğul olmayacaq.

Hamınızı nümunəvi yazıçı olmağa, tənqiddən əl çəkib düz yola gəlməyə çağırıram!

REKLAM

Yazarın digər yazıları

Xəbər lenti

Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020
Nazirlikdən gedənlər və gələnlər – Sərdar Amin yazır...
14:11 13 Avqust 2020
Mədəniyyət Nazirliyinin aparat rəhbəri vəzifəsindən azad olundu
13:24 13 Avqust 2020
Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın
13:19 13 Avqust 2020
Mühacirətdə olan yazıçı vəfat etdi
12:34 13 Avqust 2020
Sərdarın atası və əlləri
11:52 13 Avqust 2020
Bizə əl atan qoca müəllim
11:07 13 Avqust 2020
Britaniyalı jurnalistin Xocalıdan yazdığı ssenariyə film çəkildi
10:43 13 Avqust 2020
"Qarabağ hekayələri" özbək dilində nəşr olundu
10:04 13 Avqust 2020
Stalin Rəsulzadəni bu yolla qaçırdı, Səməd Vurğun yaralıları apardı – Ayxan Ayvazın reportajı
09:00 13 Avqust 2020
Türkiyəli şair vəfat etdi
18:30 12 Avqust 2020
Məhəllə futbolu - Hekayə
17:58 12 Avqust 2020
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
17:04 12 Avqust 2020
Məşhur "20th Century Fox" fəaliyyətini sona çatdırır
16:14 12 Avqust 2020
İtaliyada vəfat edən müğənnimizin nəşi vətənə gətiriləcək? - Açıqlama
15:30 12 Avqust 2020
Səfər Alışarlının "İşıq" hekayəsi
14:42 12 Avqust 2020