Nuri Bilge Ceylanın "Qış yuxusu" adlı filmi 67-ci Kann Film Festivalında "Qızıl Palma’’ mükafatını qazanıb.

Ceylana mükafatı Kventin Tarantino və Uma Turman təqdim edib.

3 saatlıq “Qış yuxusu” filmində əhvalatlar Anadoluda baş verir, filmin qəhrəmanı Aktyor Haluk Bilginerin oynadığı otel sahibidir. Filmdə XİX əsr rus klassikasından çoxlu sitatlar var. belə yüksək materiya haqqında söhbətlər az qala filmin bütün məzmununu əhatə edir.

Mətbuatın yazdığına görə festivalın əsas favoritləri rus rejissoru Zvyaqintsevin “Levifian” və Belçika rejissorları olan Dardenn qardaşlarının “İki gün, bir gecə” filmi olub. Dardenn qardaşları “Qızıl Palma budağı”nı hələ 1999-cu ildə “Rozetta”, 2005-ci ildə isə “Körpələr” filminə görə almışdı. 2011-ci ildə isə “velosipedli oğlan” filminə görə festivalın Qran pri-sinə layiq görülmüşdülər. 2014-cü ildə Dardenlər festivaldan mükafatsız qayıdıb və bu, festivalın ən çox maraqlı xəbəri olub.

Zvyaqintsevin “Levifianı” isdə ən yaxşı ssenariyə görə mükafat alıb. Bu mükafatı rejissor ssenarinin həmmüəlifi Oleq Neqinlə bölüşüb.

Festivalın “Qran Pri”sini Sofi Loren təqdim edib. Mükafat Aliçe Rorvakerin italyan-isveç-alman birgə istehsalı olan “Möcüzələr” filminə verilib. Arıçı ailəsindən bəhs edən bu tragikomediya barədə tənqidçilərin fikri jüri ilə yekdil olub.

Kannın ən yaxşı rejissoru “Tülkü ovçuları” filminə görə Bennet Miler seçilib.

Bu rejissorun “Kapoote” filmi aktyor Filipp Seymur Hoffmana Osdkar qazandırmışdı. Tənqidçilər “Tülkü ovu” filmində aktyorun mükafatlandırılacağını gözlədikləri halda o qədər də maraq oyatmayan rejissor işi mükafatlandırılıb.

Ən yaxşı aktyor nominasiyasında isə Mayk Linin “Uilyam Terner” filmində Timoti Spol fərqlənib. Timoti XİX əsrin Britaniyanın imressionist rəssamının obrazını yaradıb. Aktyor mükafatı Monika Belluçinbin əllərindən alıb.

Kannın ən yaxşı aktrisa nominasiyasında mükafatı Culianna Mur “Ulduz xəritəsi” filminə görə qazanıb. O, bu filmdə psixoterapevtin xəstəsi olan aktrisanı oynayır.

Münfislərin mükafatını iki film birdən qazanıb: Jan Lük Qodarın “Əlvida, sözlər” filmi və Kanada rejissoru Ksavye Dolanın “Anacan” filmi qazanıb.

83 yaşlı Qodar mükafatlandırmada iştirak etməyib.

Ən yaxşı debütə görə, “Qızıl kamera”nı “Party” filmi qazanıb.

Qısametrajlar arasında “Qızıl palma budağı”nı Kolumbiyadan Simona Mesı Sotonun “Leydi” filmi qazanıb. Həmçinin jüri fransız Klement Trexi Lalanın “Aissa” filmini və norveç rejissor Xalvar Vinsenin “Bəli, biz sevirik” filmini də mükafatlandırılıb.

“Xüsusi baxış” proqramında Kornel Mundruonun“Ağ tanrı” filmi qazanıb. Bu filmdə atılmış i küçə itlərini insanlara qarşı üsyana çağırır.

“Xüsusi baxış”ın jüri mükafatını Ruben Estludun “Turist” filmi qazanıb. Vim Vendersin “Torpağın duzu” filmi xüsusi mükafata layiq görülüb. Bu proqramda ən yaxşı aktyor nominasiyasında “Çarlinin vətənində” filmində oynayan avstraliyalı Devid Qalpilil qazanıb.

“Tənqidçi həftəsi” proqramında baş mükafatı ukrayna rejissoru Miroslav Slaboşpitskinin “Qəbilə” filmi qalıb. Filmi lal-karlara həsr olunub və qeyri peşəkarlar çəkilib.

• İstanbulda Eldar Mansurovun yaradıcılığına həsr olunmuş konsert keçirildi
• Abbasqulu ağa Bakıxanovun doğulduğu ev uçdu
• Məşhur reper haqda serial çəkilir