writer1

Azad Qaradərəli

Məqalə sayı

46
clock13:33 calendar-gray 19 May 2014 view-gray1076 dəfə oxunub
view-gray1076 dəfə oxunub

Azərbaycanlı yazıçının Somadan HEKAYƏSİ

Azad Qaradərəli

Gözüyumulu çocuğun yazılmamış məktubu

Hekayə

Soma mədən şəhidlərinin xatirəsinə

Atacığım!

Neçə gündür gözlərim açılmır. Yox, e, özüm açmıram gözlərimi. Zatən bir kəz açmışdım, hər yanı qara gördüm – kömür qarası. Televizorumuzun ekranı belə qaralmışdı. Basdırılan mədənçi əmilərin meyiti də qaraymış deyirlər – mən onları görmədim ki, maalasəf...

Atacığım!

Bir kömürçünü diri çıxartmışdılar mədəndən. Bilirsən nə oldu? O da qapqara kömürə boyanmışdı. Ayaqqabıları daha çox. Dedi ki, tibb bacısına, qoy ayaqqabılarımı çıxardım, buraları qaraltmasın... Ağladım onda ata... Biz o qaralığın həsrətindəykən, kömürçü əmi belə də dedi...

Atacığım!

Şəhid dostlarının sayı 300-ü keçdi. Bir şey desəm məndən küsməzsən ki? Çox istəyirəm, bu ölü sayısı (pardon, şəhid deyəcəkdim) artsın... Umudum kəsildi axı... Heç olmasa sənin şəhid olduğunu eşidəydim. Qapqara cənazənə sarılaydım... Yoxsa, bu sözü mən necə daşıyım ata: itkin şəhid... Bu nə söz ya? Bu sözün heç rəngi də yox?

Atacığım!

Mədəndən sağ çıxan Ahmet əmi səni öz gözləriylə görmüş son anda. Dedi ki, atan sağ idi mən görəndə. Əllərini göyə açmış, dua edirdi... Dua edirmişsən? Bəs Allah sənin dualarını niyə eşitmədi? Hə, anladım, axı orada göy görükməz... Və bir də hər yan kömür qarası...

Dünən ilk kəz gözlərimi açdım. Bilirsən niyə? Dedilər 301-ci şəhid mədənçinin nəşini çıxarıblar, amma o qədər qaraymış ki, tanıya bilmirmişlər. Mən ora qaçdım həmən. “Sağ əlini açın, sağ əlini açın!” - deyib qışqırdım. “Niyə?” - deyə sordular. “Atam hər işdən gələndə sağ ovcunda bir konfet olurdu, mənə gətirərdi onu” - dedim.

Açdılar yumulu əli və qara bir şey görüncə umutlandım. Deyilmiş. Bu şəhidin son dəqiqədə yazdığı bir məktubmuş. Umudum qəhr oldu. Geri döndüm.

Neçə gündür gözüyumulu oturmuşam, atacığım... Sən gəlməyincə açmayacam gözümü... İstədim eyzən sizlər kimi nəfəsimi də tutam, amma olmadı. Bacarmadım. Gəl ata. Şəhid də olsan, gəl. Yoxsa mən bu sözü daşıyamam: “Qayıb şəhidin oğlu?” Ağır sözdür bu...

Atacığım!

Bu gün sən beşinci gündür ki, itkinsən. Bu düşündüklərimi yazmaq üçün açdım gözlərimi. Amma yazamadım. Axı sənin məzarın da yox. Hara qoyacam ki, bu məktubu? Gəl ata, diri, ya ölü, fərq etməz, yetər ki, gəl... Bax, deyirəm, gəlməsən, gözlərimi açmayacam...

REKLAM

Yazarın digər yazıları

Xəbər lenti

Şəhla Nihandan qısa hekayə: Parallaks
15:46 22 Aprel 2021
Kişi olun, rüşvət almayın daha – Günün şeiri
14:54 22 Aprel 2021
Qatıq satan gəlməyib - Üzeyir Əlizadə yazır
14:23 22 Aprel 2021
Üzülməyin, Hüseynbala müəllim!
13:37 22 Aprel 2021
“Oskar” mərasimində qonaqlar maskasız olacaq
12:57 22 Aprel 2021
Bığına görə töhmət aldı, həbsdən qorxub Gəncədən qaçdı, arvadından sonra evlənmədi – Xalq artistindən maraqlı faktlar
12:30 22 Aprel 2021
Qismətdən yeni kitab sürprizi - Yaxında
11:45 22 Aprel 2021
Hüseynbala Mirələmovla kiçik bir xatirəm və məlum video söhbəti
11:03 22 Aprel 2021
Müharibəyə sevinən qadın
10:30 22 Aprel 2021
Niyə bu gün Azərbaycanda Üzeyir Hacıbəyovlar doğulmur? – Aqşin Yenisey yazır...
09:00 22 Aprel 2021
Düzgün yaşamaq riyakarlıq, düzgün düşünmək axmaqlıqdır – Dahi yazıçıdan aforizmlər
21:00 21 Aprel 2021
Bakı Dövlət Sirki yenidən təşkil olunur
19:00 21 Aprel 2021
Kamal Sunal adına muzey açılacaq
18:38 21 Aprel 2021
Fuentesin kitabı onlayn təqdim olunacaq
18:18 21 Aprel 2021
“Can Azərbaycan” müsabiqəsinin virtual sərgisi açılıb
17:42 21 Aprel 2021
Mənim qadınım, sən varsan deyə... - Çağdaş ərəb şeiri
17:01 21 Aprel 2021
Azərbaycanlı aktyor vəfat etdi
16:13 21 Aprel 2021
Kann film festivalının açılışında bu film nümayiş olunacaq
15:32 21 Aprel 2021
Nazir Anar Kərimov koronavirusa yoluxub
14:42 21 Aprel 2021
Anarla Seymur Baycanın oxşarlığı
14:02 21 Aprel 2021