news-inner
clock08:30 calendar-gray 04 Mart 2014 view-gray1274 dəfə oxunub
view-gray1274 dəfə oxunub

Məşhur rejissorla Oskarlı aktrisanın söhbəti

Kulis.az rejissor Vudi Allenlə bu il “Ən yaxşı aktrisa” nominasiyasında Oskar mükafatı almış Keyt Blanşettin söhbətini təqdim edir:

Vudi Allen: “Mavi gözlü Jasmin”in çəkilişləri vaxtı sənə tez-tez deyirdim ki, “bu səhnəni daha dinamik elə, yadındadı?” Mən filmlərdə sənin işlərini görmüşdüm, bilirdim ki, bu rol üçün idealsan.

Keyt Blanşett: Səninlə işləmək asandır. Nəyisə bəyənməyəndə bunu açıq deyirsən. Mənim oyunuma rejissorluq edəndə xoşuma gəlir, özümü inamlı hiss edirəm.

Vudi Allen: Hə, mən emosiyalarımı saxlaya bilmirəm. İlk günlər aktyorlar mənim əhval ruhiyyəmi tuta bilmirlər. Bir müddət sonra anlayırlar ki, nəyi necə görmək istəyirəm. Mən həmişə öz sahəsində ən yaxşı mütəxəssis olan adamlarla işləyirəm və onlara güvənirəm.

35 minlik çanta

Vudi Allen: Kostyum üzrə direktor Syuzi Benzinqerin hər obraz üçün 35 min dollar büdcə müəyyənləşdirdiyini biləndə təəccübləndim (Qeyd edək ki, filmin ümumi büdcəsi 18 milyon dolardır). Məncə indi insanlar özləri bu məbləğə don ala bilər. Amma Syuzi bacardı və əla nəticə alındı.

Keyt Blanşett: Filmdəki Hermessin çantasının qiyməti Syuzinin ümumi büdcəsindən də artıq idi. Mizana görə, hər dəfə onu səkiyə tullayanda mənə elə gəlirdi ki, Syuzinin təzyiqi qalxır.

Vudi Allen: Bəs o çantanı necə almışdıq?

Keyt Blanşett: Uzun bir növbədən sonra borc verdilər. Elə böyük növbə idi ki, bu çantanı gözləyə-gözləyə qocalarsan. Amma gözləməyinə dəyərdi: o eksklüziv və arzuolunandır. Eynən özün kimi.

Filmin yaranması haqqında

Keyt Blanşett: Film üzərində işin ən çətin hansı mərhələdir?

Vudi Allen: Yəqin aramsız çəkilişlər. Ssenari yazanda bəyənmədiyin yeri kəsib ata və yenidən yaza bilərsən. Redaktə işi də xoşagələndir: rahat otaqda oturub dostlarla bir şeylər atışdıraraq redaktə edə bilərsən. Amma çəkəndə saatlar işləyir və hər gün az qala 100 min dolar xərclənir. Bu, çox məsuliyyətlidir.

Keyt Blanşett: Amma mənim üçün ən çətini ictimailəşməkdir. Həmişə intuitiv işləyirəm. Altı ay sonra hərəkətlərinin motivini kiməsə izah etmək çox çətindir.

Vudi Allen: Sən həmişə yeni personajlar oynayırsan. Mənimsə aktyor ambisiyalarım yoxdur. Mənə Vanya dayı olmaq maraqsızdır.

Ailə

Allen: Mənim üçün iş və ailə iki müstəqil vahiddir. İş işdir, ailə ilə və ya ailəsiz, fərq etməz. Amma “Mavi gözlü Jasmin”də gözlənilməz hadisə baş verdi: arvadım mənə film üçün ideya təklif etdi. Biz onunla nahar edirdik, o mənə hər şeyini itirmiş qadının əhvalatını danışdı. Bu, mənim xoşuma gəldi.

Keyt Blanşett: Uşaqlar dünyaya gələndən sonra mən vaxtıma qənaət etməli oldum. Amma mən heç təəssüflənmirəm. Onlar elə gözəldilər ki! “İndianna Cons və büllur kəllə kralığı” filmində Lego konstruktorunun elementi olmağım uşaqların xoşuna gəlmişdi. Deyəndə ki “Mavi gözlü Jasmin”də belə şey olmayacaq, onlar məyus oldu.

Vudi Alen: Yenə sənin vəziyyətin yaxşıdır, mənim uşaqlarım tez-tez mənə deyirlər: “Ata, sən inanılmaz dərəcədə uğursuzsan” bu birbaşa sitatdır. Onlar mənim işlərimdən bir damcı da təsirlənmirlər...

news-inner-user
Aliyə

1003 məqalə

Oxşar xəbərlər

Xəbər lenti

Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021