writer1

İlqar Rəsul

Məqalə sayı

110
clock13:29 calendar-gray 17 Fevral 2014 view-gray1075 dəfə oxunub
view-gray1075 dəfə oxunub

Xoşbəxtlik çox xoşbəxt olmamaqdı

Sənin həsəd apardığın xoşbəxtliklər

Yer üzündə nə fərdi, nə də kollektiv xoşbəxtlik yoxdur. Sadəcə xoşbəxt anlar var. Və nə qədər uzun sürsə, nə qədər çox çəksə belə, yenə də qısa, yenə də az olan şirin anlar. Hər xoşbəxt anın da sevincinin miqyası özündən əvvəlki və ya sonrakı kədərin, bədbəxtliyin, faciənin təsirinə adekvatdır...

İkinci dünya müharibəsinin başa çatmasını xatırlayaq. Bu hadisə hələ ki, planetdə miqyasına görə sonuncu ən böyük kütləvi xoşbəxtlik anıdır. Yəni ondan sonra yer üzündə insanlar kütləvi şəkildə elə böyük bir sevinc yaşamayıblar (Sonradan nə insanın kosmosa ilk uçuşu, nə də soyuq müharibəyə son verilməsi, miqyası və həyəcanı etibarı ilə bu sevinci üstələyə bilmədi). Amma baxın, o sevinc necə bir kədərin, o xoşbəxtlik hansı bədbəxtliyin üzərində doğuldu. Planetdə ən çox insan tələfatına və dağıntıya səbəb olan bir müharibənin...

Qurulandan bir il və on bir il sonra övlad qazanan ailələrin sevincini müqayisə edək. Eyni səbəb üzrə nə qədər fərqli xoşbəxtliklər. İkincilərin sevinci yerə-göyə sığmır. Səbəb? Sadəcə zaman. Yəni bir ailə sadəcə övlad gözlədiyi halda ikinci on bir il bu həsrətlə qovrulmuşdu. On bir ilin aşkar və gizli zülmü, kədəri, tənəsi, dedi-qodusu, ayrılıq qorxusu üzərində doğulan sevinc. Əlbəttə bu daha acı bir şirinlik olmalıdır.

Demək ki, bəşəriyyət yeni xoşbəxt bir dövr yaşamaq üçün yeni və çox dağıdıcı bir faciədən, fəlakətdən-yəni bədbəxtlikdən keçməlidir. Nə olacaq bu? Müharibə, kosmosdan gələn asteroid, ya hansısa xəstəlik...?

Kim bilir, bəlkə bəşəriyyətin ən sabit dövründə yaşayırıq. Dəyərləndirəlim...

Bəlkə elə qəzalar, xəstəliklər, həm də sağ çıxıb bir müddət xoşbəxt olmağımız, həyatı dəyərləndirməmiz üçün düşünülüb, kim bilir...

Bəlkə elə əsil xoşbəxtlik çox xoşbəxt olmamaqdı? Yəni təxminən bədbəxt olmaq...

Böyük xoşbəxtlik çox böyük bədbəxtliyin arxasındadır həmişə. Çox böyük bədbəxtlik yaşayırsan və ondan çıxanda çox xoşbəxt olursan (və ya əksinə). Həmin xoşbəxtlikdən ayılanda yenə çox bədbəxt olursan.

Fərdlərə baxaq. Yenə də eyni vəziyyətdir. Xoşbəxtlik insana sədəqə kimi verilir. Özü də hərdən bir. Özü də fərdin kimliyinə görə yox, xoşbəxtlik paylayanın istəyinə görə...

Necə ki, küçədə dayanan dilənçinin ovcuna pulun qoyulması onun hansı əlini açmasından və ya hansı pozanı seçməsindən yox, qarşıdan gələnin mərhəmətindən və ya imkanından asılıdır...

Demək ki, məsələni sən yox, imkan sahibi həll edir. Bu məsələdə mərhəmət də bir imkan sayıla bilir...

Əgər sən dünyanı, insanları dərk edirsənsə, demək, fərdi xoşbəxtliyin var. Halbuki, indiki dünyada və indiki insanlıq şərtlərində bu özü elə fərdi bədbəxtlikdi. Amma dəyərli bədbəxtlik...

Ona görə, götür də bədbəxtliyini heç kimin xoşbəxtliyinə həsəd aparma. Unutma ki, qibtə etdiyin xoşbəxtliklərin ya arxasında, ya da qarşısında özü boyda bədbəxtliyi hökmən var. Yəni daxmanın daxma dərdi varsa, sarayın da saray dərdi var...

REKLAM

Yazarın digər yazıları

Xəbər lenti

Leyla Əliyevanın kitabı təqdim olundu - Foto
14:19 10 Aprel 2021
Qürbətdə ayağım torpaqda ağlar - Azad Yaşardan yeni şeirlər
13:34 10 Aprel 2021
Göy üzünü Tanrı bilərdik - Fəxri Müslümdən şeirlər
12:21 10 Aprel 2021
Sizə həsəd aparıram - Fransada yaşayan azərbaycanlı yazıçı yazır
11:22 10 Aprel 2021
Məşhur repçi narkotikdən öldü
10:10 10 Aprel 2021
Psixoloq Elnur Rüstəmov: “Müharibə bizi koronavirusa yoluxmağa qoymadı” – Müsahibə
09:01 10 Aprel 2021
“Fəryad”ın çəkilişində ona sui-qəsd təşkil etmişdilər – Ceyhun Mirzəyevdən maraqlı faktlar
21:01 09 Aprel 2021
Azərbaycanlı rəqqas Rusiyada fəxri ada layiq görüldü
18:46 09 Aprel 2021
Xanım İsmayılqızı yeni kitabından danışdı
18:02 09 Aprel 2021
Flora Kərimovanın ürəyi dayanıb? - Açıqlama
17:21 09 Aprel 2021
Hamı şeirlərini əzbər bilir, amma heç kəs tanımır – Sözü özündən məşhur şairimiz
16:37 09 Aprel 2021
13 yaşlı Selcandan yeni hekayə
15:49 09 Aprel 2021
Məşhur aktrisa vəfat etdi
15:04 09 Aprel 2021
Xalq rəssamı: "Atam əsir düşəndə Almaniyada Rəsulzadə ilə görüşüb" – Müsahibə
14:17 09 Aprel 2021
Siyavuş Novruzovun axtardığı söz – Sərdar Amin yazır...
12:38 09 Aprel 2021
Trampın köməkçisi dörd milyonluq kitab yazacaq – Müqavilə bağlanıb
12:01 09 Aprel 2021
Xalq artisti xəstəxanaya yerləşdirilib
11:18 09 Aprel 2021
Pulun çaşdırdığı Əlixan Rəcəbov
11:04 09 Aprel 2021
Günün şeiri: Leş
10:30 09 Aprel 2021
Əfqanıstanla mədəni əlaqələr qurulur: Nazir səfirlə görüşüb
10:17 09 Aprel 2021