writer1

Qismət

Məqalə sayı

186
clock14:35 calendar-gray 05 Fevral 2014 view-gray2223 dəfə oxunub
view-gray2223 dəfə oxunub

Ağzı sürüşkən yazı

Qismət yazır...

Əşşi nolasıdı ki... bağrımız çatlamasın, ayaq düzələn işdir. Bir dənə poetikini gupbuldadım: yollara ayaq döyməklə deyil ha, yol adamı döyməsin gərək. Allah məni güldürsün!

Görün nə deyirəm, “ayağı sürüşkən”lər ordusuna qatılmağımın səhəri günü, dünya şöhrətli rentgen şüalarına ayağımı təslim edib evə qayıdarkən, blokumuzun qabağında yenə həmin xala peyda oldu. Bu həmin xaladır ki, romanlarda, filmlərdə yan personaj kimi görünüb gözdən itir, marşrutlarda sürücünün arxasındakı oturacaqda oturub yolboyu hər şey və hamı haqqında fikir bildirir. Tanıdınızmı? Yox, o xala yox, o birisi – o toyda-nişanda, ad günündə, ailəvi qonaqlıqlarda hər şeydən mütəfəkkir ədası ilə danışanları deyirəm. Ay sağ ol, bax, o xala!

Qoltuq ağacına güc verib pilləkənləri çıxmağa hazırlaşırdım ki, həmin xala hardasa peyda oldu, ssenaridə ona yazılan sözləri deyib yoxa çıxdı. Təxminən belə: “Vay-vay, yazıq bala, mənim qaynımın da başına gəlmişdi. Çoxlu xaş ye...” Müdhiş performans! Qəti şişirtmirəm, Cem Yılmaza baxmadığınızı bilsəm, nə vardı ki. (Cem Yılmazın “Qayın” zarafatına burdan baxa bilərsiniz) Amma ki, xala elə beləcə də dedi: “... qaynımın da...”

Bu xalalar “çənədənsazlar” fəsiləsinə aid olurlar; yalan deyirəmsə, gecənin yarısı konturum qurtarsın, kreditim də olmasın.

Bir dəfə marşrutda həmin bu növə aid xalalardan birini yaxından müşahidə etmək şansım olub. Harasa uzaq bir yerdə gedirdim, xala da həmişəki yerində - sürücünün arxasındakı oturacaqda barrikadasını qurmuşdu. Çox keçmədi ki, xala, futbol diliylə desək, “isinmə hərəkətləri” tipində bir-iki cümlə ilə işə başladı. Sonrasını sürücünün cavablarını yazmadan, bircə xalanın dedikləri kimi təqdim edirəm:

“Niyə nazirliyin qabağından çıxmadın ki, o yaxşı yoldu...”

“Vay-vay, bu yolları da düzəldib qurtarmadılar da...”

Başının üstündə dayanmış cavan qıza: “Mənim də bu rəngdə şarfım vardı, amma şarfla olmur, qalın geyinmək lazımdı...”

Əvvəllər “çənədənsazlar” fəsiləsinə aid olduğu hər halından bəlli olan, amma sonra müxtəlif səbəblərə görə təqaüdü çıxdığı açıq-aydın görünən başqa bir xala köhnə vərdişə əsasən sözə qarışır: “Zamana pozuluf bajı, indiki cavanlar özlərinə baxmır ha...”

“Düz deyirsən, anam, mən bu yaşımda canıma da qulluq eləyirəm, özümə də baxıram. Keçən il 100 kiloydum, indi azaltmışam düşmüşəm 95 kiloya.”

Xalalıqdan təqaüdə çıxmış xala: “Mənim bajım (“J” hərfinin fransız dilinə dəxli yoxdur) da azaltdı, onun da “vesi” düşdü.”

“Mən hər səhər bir dənə kofe içirəm, vəssalam, bir də axşam yeyirəm.” (Düz deyir, hiss olunur ki, gündə bir dəfə yeyir, amma günboyu camaatın başının ətini yeməyini saymır sadəcə.)

“Buna bax, gör yolu nətər keçir e, xalx canını çöldə tapıb da...”

Sürücüyə müraciətlə: “Qardaş, soruşmaq ayıb olmasın, günə nə qədər qazanırsan?

Növbəti dayanacaqda düşdüm.

Bir neçə gün sonra, axşam Ans-də gördüm ki, bir marşrut qəzaya düşüb, həmin xala mikrofona danışır: “Sürə bilmirlər də, anam-bacım, şoferin fikri gərək yolda olsun, can daşıyırsız e can, xalxı qırmaq olmaz...”

REKLAM

Yazarın digər yazıları

Xəbər lenti

Eldar Quliyev "İstiqlal" ordeni ilə təltif olunub
15:16 24 Yanvar 2021
İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021